खत खरेदी करण्यास नकार दिल्याने संतापलेल्या चीनने श्रीलंकेच्या सरकारी बँकेला काळ्या यादीत टाकले

By, Sachin Deshmukh - October 30, 2021 06:15:49

0

ज्या देशांनी चीनसोबत जुळवण्याचा प्रयत्न त्या सर्वांचा चीनने विश्वासघात केल्याचा इतिहास आहे. आता श्रीलंका चीनचा नवा बळी ठरला आहे. श्रीलंकेच्या हंबनटोटा बंदरावर चीनने आधीच ताबा मिळवला आहे, मात्र आता चीनने श्रीलंकेच्या मुख्य बँकेलाच काळ्या यादीत टाकले आहे. यानंतर श्रीलंका मोठ्या संकटात अडकली आहे.china blacklists sri lanka state owned bank due to fertilizer row

वृत्तसंस्था

कोलंबो : ज्या देशांनी चीनसोबत जुळवण्याचा प्रयत्न त्या सर्वांचा चीनने विश्वासघात केल्याचा इतिहास आहे. आता श्रीलंका चीनचा नवा बळी ठरला आहे. श्रीलंकेच्या हंबनटोटा बंदरावर चीनने आधीच ताबा मिळवला आहे, मात्र आता चीनने श्रीलंकेच्या मुख्य बँकेलाच काळ्या यादीत टाकले आहे. यानंतर श्रीलंका मोठ्या संकटात अडकली आहे.

श्रीलंकेची नॅशनल बँक काळ्या यादीत

द हिंदूच्या वृत्तानुसार, चीनने श्रीलंकेतील सर्वोच्च सरकारी बँकेला काळ्या यादीत टाकले आहे. अहवालात असे म्हटले आहे की, श्रीलंकेने सेंद्रिय खतांबाबत चिनी कंपनीचा आदेश रद्द केला होता, त्यानंतर चीनने श्रीलंकन बँकेलाच काळ्या यादीत टाकले. द हिंदूमधील एका वृत्तानुसार, चीनने श्रीलंकेच्या सरकारी बँकेला खतांच्या ऑर्डरच्या संबंधात ‘डिफॉल्ट’ क्रेडिटचे ‘दुर्भावनापूर्ण’ पत्र उद्धृत करून काळ्या यादीत टाकले आहे. जो श्रीलंकन बँकेसाठी मोठा धक्का मानला जात आहे.

Cricket World : Good Bye ! श्रीलंकेच्या Lasith Malinga चा आंतरराष्ट्रीय क्रिकेटला रामराम

काय आहे कारण?

द हिंदूच्या वृत्तानुसार, काही काळापूर्वी श्रीलंकेने एका चिनी सेंद्रिय खत कंपनीला खताचा पुरवठा करण्याचे आदेश दिले होते, मात्र, तपासणीदरम्यान असे आढळून आले की, चिनी कंपनीने श्रीलंकेला दिलेले खत दूषित होते, त्यामुळे श्रीलंकेने अधिकाऱ्यांनी कारवाई केली आणि चीनमधून आलेले खत परत केले, तर क्रेडिट पत्र देणाऱ्या बँकेने चिनी कंपनीला पैसे देण्यास नकार दिला. त्यामुळे संतापलेल्या चीनने श्रीलंकेच्या सरकारी बँकेलाच काळ्या यादीत टाकले.

“साखर उद्योगाचे नुकसान”

श्रीलंकन बँकेवर बंदी घातल्यानंतर चीनकडून श्रीलंकेबाबत कठोर वक्तव्य करण्यात आले आहे. चीनच्या वाणिज्य मंत्रालयाने म्हटले आहे की, या ‘डिफॉल्ट’मुळे चिनी उद्योगांना श्रीलंकेसोबतच्या आंतरराष्ट्रीय व्यापारात ‘मोठा तोटा’ सहन करावा लागला आहे. त्यानंतर श्रीलंकन बँकेकडूनही उत्तर देण्यात आले आहे.

चीनने काळ्या यादीत टाकल्यानंतर श्रीलंकेतील चीनच्या दूतावासाने केलेल्या ट्विटला उत्तर देताना, पीपल्स बँक ऑफ श्रीलंकेने स्पष्ट केले की, “ते केवळ न्यायालयाच्या आदेशाचे पालन करत होते, ज्यामध्ये न्यायालयाने चिनी कंपनीचे पेमेंट करण्यापासून रोखण्यात आले.

श्रीलंका अडचणीत…

चीनसोबतच्या या वादामुळे श्रीलंकेवर कृषी संकट निर्माण होण्याची भीती व्यक्त केली जात आहे. गेल्या वर्षी श्रीलंका सरकारने देशात रासायनिक खतांच्या वापरावर बंदी घातली होती आणि त्या जागी सेंद्रिय खतांचा वापर करण्याचा निर्णय घेण्यात आला होता. पण, श्रीलंकेचे अध्यक्ष गोटाबाया राजपक्षे यांच्यावर यानिमित्त जोरदार टीका झाली.

कोरोना महामारीच्या काळात सरकारचा हा निर्णय योग्य नसल्याचे सांगण्यात आले. त्याच वेळी, चीनच्या राजदूताने या संदर्भात श्रीलंकेचे पंतप्रधान महिंदा राजपक्षे यांची भेट घेतली तेव्हा पंतप्रधानांच्या वतीने स्पष्टपणे सांगण्यात आले की, श्रीलंका सरकार खराब झालेले खत स्वीकारू शकत नाही.