जिनपिंग अमेरिकेत म्हणाले- चीनचा दुसऱ्या देशाच्या 1 इंच जमीनवरही कब्जा नाही; आमच्यामुळे कधीच युद्ध झाले नाही!|Xi Jinping said in America - China does not occupy even 1 inch of other country's land; There was never a war because of us!

जिनपिंग अमेरिकेत म्हणाले- चीनचा दुसऱ्या देशाच्या 1 इंच जमीनवरही कब्जा नाही; आमच्यामुळे कधीच युद्ध झाले नाही!

वृत्तसंस्था

वॉशिंग्टन : चीनचे राष्ट्राध्यक्ष शी जिनपिंग यांनी म्हटले आहे की, चीनने आपल्या स्थापनेपासून एक इंचही परदेशी भूमी काबीज केलेली नाही. तसेच आजपर्यंत चीनमुळे युद्ध सुरू झालेले नाही. आशिया-पॅसिफिक इकॉनॉमिक कोऑपरेशन (APEC) शिखर परिषदेसाठी जिनपिंग अमेरिकेतील सॅन फ्रान्सिस्को येथे उपस्थित होते.Xi Jinping said in America – China does not occupy even 1 inch of other country’s land; There was never a war because of us!

यादरम्यान त्यांनी अमेरिका-चीन बिझनेस कौन्सिलच्या डिनरमध्ये ही माहिती दिली. जिनपिंग पुढे म्हणाले- चीन विकासाच्या कोणत्याही स्तरावर पोहोचला तरी आम्ही कुठेही कब्जा करण्याचा प्रयत्न करणार नाही. आम्ही आमची इच्छा इतरांवर कधीही लादणार नाही. चीनला आपला प्रभाव वाढवायचा नाही आणि आम्ही कोणाशीही युद्ध करणार नाही.

सौ चुहे खा कर… : शी जिनपिंग म्हणतात, चीनचा दुसऱ्या देशाच्या 1 इंचही जमिनीवर कब्जा नाही!!

चीनचे राष्ट्राध्यक्ष म्हणाले- अमेरिकेच्या प्रगतीवर आम्हाला आनंदच

अमेरिका-चीन संबंधांबद्दल बोलताना शी म्हणाले – जगाला चीन आणि अमेरिकेने एकत्र काम करण्याची गरज आहे. आम्हाला धोका म्हणून पाहिले जाऊ नये. स्वतःच्या फायद्यासाठी आणि चीनच्या नुकसानासाठी काम करणं चुकीचं आहे. जगात कितीही बदल झाले तरी अमेरिका आणि चीनमधील शांततापूर्ण संबंध कधीही बदलणार नाहीत, अशी ग्वाही जिनपिंग यांनी देण्याचा प्रयत्न केला.

जिनपिंग पुढे बिझनेस कौन्सिलला म्हणाले – चीन कधीही अमेरिकेच्या विरोधात काम करत नाही. आमचा उद्देश अमेरिकेला आव्हान देणे किंवा बदलणे हे नाही. आत्मविश्वासपूर्ण आणि सतत प्रगती करत असलेली अमेरिका पाहून आम्हाला खूप आनंद होईल. तसेच अमेरिकेनेही चीनच्या अंतर्गत बाबींमध्ये ढवळाढवळ करू नये. आपण सर्वांनी मिळून शांततापूर्ण, स्थिर आणि समृद्ध चीनचे स्वागत केले पाहिजे.

चीनचा सतत LAC वर परिस्थिती बदलण्याचा प्रयत्न

2020 मधील गलवान संघर्षानंतर, चीन एलएसीवरील सद्यस्थिती बदलण्याचा सतत प्रयत्न करत आहे. ते LAC च्या या बाजूच्या भारताचा भाग स्वतःचा असल्याचा दावा करते. दोन्ही बाजूंनी पेट्रोलिंग पॉईंट 15 वर सैन्याची तैनाती वाढवली आहे, जे गलवान चकमकीचे केंद्र होते. 2020 पासून, LAC जवळ शस्त्रांसह सुमारे 50 हजार भारतीय सैनिक तैनात करण्यात आले आहेत, जेणेकरून चीनने भारतीय भूमीवर कब्जा करू नये.