सत्ताधिश तालिबानची आर्थिक कोंडी करण्यासाठी अमेरिकेकडून सुरुवात, तब्बल ९.५ अब्ज डॉलरचा निधी गोठविला|USA freeze Afgan govt. accounts

सत्ताधिश तालिबानची आर्थिक कोंडी करण्यासाठी अमेरिकेकडून सुरुवात, तब्बल ९.५ अब्ज डॉलरचा निधी गोठविला

विशेष प्रतिनिधी

न्यूयॉर्क – अफगाणिस्तानमधून अमेरिकेने काढता पाय घेतल्यानंतर सत्ताधीश बनलेल्या तालिबान्यांची आता मोठी आर्थिक कोंडी होण्याची शक्यता आहे. दा अफगाणिस्तान बँकेतील ९.५ अब्ज डॉलरचा निधी गोठविण्याचा निर्णय बायडेन प्रशासनाने घेतला आहे.USA freeze Afgan govt. accounts

हा पैसा तालिबान्यांच्या हाती पडू नये म्हणूनच अमेरिकेने हा निर्णय घेतला आहे. अमेरिकेतील काही बँकांमध्ये अफगाणिस्तान सरकारच्या ठेवी असून त्या पूर्णपणे गोठविण्यात आल्यात आहेत.
बायडेन प्रशासनाच्या या निर्णयामुळे अफगाणच्या मध्यवर्ती बॅंकेने अमेरिकेत ठेवलेल्या ठेवी तालिबान्यांना काढता येणार नाही, असे ‘वॉशिंग्टन पोस्ट’ने म्हटले आहे

तालिबानची “डबल ढोलकी”; अफगाणिस्तानच्या इस्लामी राजवटीत भारताने केलेली विकास कामे हवीत, भारतीय सैन्य नको…!!

आंतरराष्ट्रीय नाणेनिधीने दिलेल्या माहितीनुसार एप्रिलपर्यंतची आकडेवारी लक्षात घेतली तर अफगाण सेंट्रल बँकेने न्यूयॉर्कमधील फेडरल रिझर्व्हमध्ये तब्बल ९.५ अब्ज डॉलरचा निधी ठेवला आहे. अन्य वित्तीय संस्थांमध्ये देखील मोठी आर्थिक गुंतवणूक करण्यात आली आहे

अफगाणिस्तानच्या सेंट्रल बँकेचे हंगामी गव्हर्नर अजमल अहमदी यांनी म्हटले आहे, की तालिबानला हा पैसा मिळू नये म्हणूनच अमेरिकेने हा निधी गोठविला आहे. अमेरिकेत ९/११ रोजी झालेल्या भीषण दहशतवादी हल्ल्यानंतर तालिबानवर अनेक निर्बंध घालण्यात आले होते.