वृत्तसंस्था
लॉस एंजेलिस : California अमेरिकेतील कॅलिफोर्निया राज्यात मंगळवारी लागलेली आग 5 दिवसांनंतर म्हणजेच शनिवारपर्यंत पूर्णपणे आटोक्यात आलेली नाही. यामध्ये आतापर्यंत 11 जणांचा मृत्यू झाला आहे. राष्ट्राध्यक्ष बायडेन म्हणाले की अजूनही अनेक लोक बेपत्ता आहेत.California
कॅलिफोर्नियातील सांता मोनिका शहरात आगीचे संकट आणि लूटमारीच्या बातम्या येत असताना प्रशासनाने कर्फ्यू जाहीर केला आहे. 20 जणांना अटक करण्यात आली आहे.
रॉयटर्सच्या म्हणण्यानुसार, लॉस एंजेलिस (एलए) येथे लागलेल्या आगीमुळे आतापर्यंत 16 लाख कोटी रुपयांपेक्षा जास्त नुकसान झाल्याचा अंदाज आहे. येथील आगीवर काही प्रमाणात नियंत्रण मिळवण्यात आले आहे, मात्र वीकेंडमध्ये पुन्हा जोरदार वारे वाहू शकतात, अशी भीती तज्ज्ञांनी व्यक्त केली आहे.
गुरुवारी, लॉस एंजेलिस काउंटीमधील सुमारे 10 दशलक्ष लोकांना चुकीच्या फायर एक्झिट अलर्ट (अग्निशामक क्षेत्रातून बाहेर पडण्यासाठी संदेश) पाठविण्यात आले. शुक्रवारीही हाच ट्रेंड कायम राहिला. याबाबत आपत्कालीन व्यवस्थापन अधिकाऱ्यांचे म्हणणे आहे की, सेलफोन टॉवरला लागलेल्या आगीमुळे ही समस्या उद्भवत आहे.
वॉटर हायड्रंटमध्ये पाणी संपत आहे का, याची चौकशी करण्याचे आदेश
कॅलिफोर्नियामध्ये अनेक ठिकाणी वॉटर हायड्रंट्स कोरडे पडले आहेत. NYT नुसार, राज्याचे गव्हर्नर गेविन न्यूजम यांनी शुक्रवारी वॉटर हायड्रंटमध्ये इतक्या लवकर पाणी कसे संपले याची चौकशी करण्याचे आदेश दिले.
कॅलिफोर्नियाच्या आगीत आतापर्यंत काय घडलंय…
पॅरिस हिल्टन, टॉम हँक्स, स्टीव्हन स्पीलबर्ग यांसारख्या हॉलिवूड सेलिब्रिटींची घरे जळाली.
उपराष्ट्रपती कमला हॅरिस यांचे घर रिकामे करण्यात आले आहे.
राष्ट्राध्यक्ष जो बायडेन यांनी त्यांचा इटली दौरा रद्द केला आहे.
डोनाल्ड ट्रम्प यांनी सध्याच्या बायडेन प्रशासनाला आगीसाठी जबाबदार धरले आणि म्हणाले – बायडेन हे माझ्यासाठी सोडत आहेत.
11 people have died in California fires so far; damage worth Rs 16 lakh crore
महत्वाच्या बातम्या
- Nitin Gadkari रस्ते अपघातात जीव वाचवणाऱ्यांना बक्षीस, सरकार देणार मोठी रक्कम!
- Sharad Pawar राष्ट्रवादीतली अस्वस्थता आणि गटबाजी सावरता येईना, पण पवारांची राज्यातल्या शांततेसाठी फडणवीसांशी फोनवरून चर्चा!!
- Gulabrao Patil म्हणून उध्दव ठाकरे घेत आहेत देवेंद्र फडणवीस यांची पप्पी… गुलाबराव पाटील यांचा भाजपला सूचक इशारा
- Ravindra Chavan रवींद्र चव्हाण भाजपचे महाराष्ट्र कार्यकारी अध्यक्ष, प्रदेशाध्यक्ष बावनकुळेच