रान्या राव सोने तस्करी प्रकरणासंदर्भात, गुरुवारी कर्नाटकात अनेक ठिकाणी छापे टाकण्यात येत आहेत. सोन्याच्या तस्करीच्या कथित रॅकेटशी संबंधित मनी लाँड्रिंग चौकशीचा भाग म्हणून ईडीने गुरूवारी बंगळुरू आणि इतर काही ठिकाणी छापे टाकले. या प्रकरणात कन्नड अभिनेत्री रान्या रावला अटक करण्यात आली आहे. सोन्याच्या तस्करी प्रकरणी अंमलबजावणी संचालनालयानेही गुन्हा दाखल केला आहे.
आयुष्मान वय वंदना कार्डसाठी ७० वर्षे आणि त्याहून अधिक वयोमर्यादा आता ६० वर्षे आणि त्याहून अधिक अशी करण्याची शिफारस संसदीय समितीने केली आहे. भलेही लोकांच्या सामाजिक-आर्थिक स्थिती कोणतीही असो, आयुष्मान भारत आरोग्य विमा योजनेचा विस्तार करता आळा पाहिजे.
भारतीय अंतराळ संशोधन संस्थेने (इस्रो) अंतराळ जगतात चमत्कार केला आहे आणि एक नवीन आयाम निर्माण केला आहे, एक नवीन कामगिरी केली आहे. इस्रोने स्पेडएक्स मोहिमेत यशस्वीरित्या अनडॉकिंग केले आहे.
रेल्वे मंत्री अश्विनी वैष्णव यांनी बुधवारी लोकसभेत सांगितले की, रेल्वेमध्ये प्रवाशांना दिल्या जाणाऱ्या खाद्यपदार्थांचा मेन्यू आणि किंमत यादी प्रदर्शित करणे बंधनकारक आहे.
तामिळनाडू सरकारने २०२५-२६ च्या अर्थसंकल्पाच्या लोगोमध्ये रुपयाच्या अधिकृत चिन्हाऐवजी (₹) तमिळ अक्षरांचा वापर केल्याने वाद निर्माण झाला आहे. भाजपचे प्रदेशाध्यक्ष के अन्नामलाई आणि भाजप आयटी सेलचे प्रमुख अमित मालवीय यांनी मुख्यमंत्री एमके स्टॅलिन यांच्यावर निशाणा साधला आणि हा राष्ट्रीय चिन्हाचा अपमान असल्याचे म्हटले.
एमके स्टॅलिन यांच्या नेतृत्वाखालील द्रमुक सरकार राष्ट्रीय शिक्षण धोरण, सीमांकन आणि त्रिभाषा सूत्र यासारख्या अनेक मुद्द्यांवर केंद्र सरकारशी सतत संघर्ष करत आहे. केंद्र सरकार तामिळनाडूवर हिंदी लादण्याचा प्रयत्न करत असल्याचा आरोप द्रमुकने केला आहे. त्याच वेळी, आता तामिळनाडूच्या द्रमुक सरकारने आणखी एक पाऊल उचलले आहे ज्यामुळे वाद वाढू शकतो. तामिळनाडूच्या अर्थसंकल्पाच्या लोगोमध्ये रुपयाचे चिन्ह बदलण्यात आले आहे.
पश्चिम बंगालच्या मुख्यमंत्री ममता बॅनर्जी यांनी बुधवारी भाजप आमदार सुवेंदू अधिकारी यांनी विधानसभेत केलेल्या विधानाचा निषेध केला. त्या म्हणाल्या- ‘लोकशाही कायमस्वरूपी असते, खुर्ची नाही.’ त्याचा आदर करा.
तेलंगणाचे मुख्यमंत्री रेवंत रेड्डी यांच्यावर टीका करणाऱ्या दोन महिला युट्यूबर्सना हैदराबाद पोलिसांनी अटक केली. काँग्रेस सोशल मीडिया सेलच्या राज्य सचिवांनी केलेल्या तक्रारीवरून बुधवारी त्यांना अटक करण्यात आली. न्यायालयाने दोघींनाही १४ दिवसांची न्यायालयीन कोठडी सुनावली आहे.
उत्तर प्रदेश होळी पारंपरिक पद्धतीने उत्साहात साजरी करावी. त्यामध्ये कुठलाही अडथळा उत्पन्न होऊ नये यासाठी पोलीस प्रशासनाने योग्य ती काळजी घेतली
पाकिस्तानच्या बलुचिस्तान प्रांतात पाकिस्तानी सैनिक आणि बलुच लिबरेशन आर्मी (बीएलए) आर्मीमध्ये मागच्या 48 तासांपासून लढाई सुरू आहे. मंगळवारी ४० पाकिस्तानी सैनिकांना ठार मारल्यानंतर, बीएलएने आज ६० पाकिस्तानी सैनिकांना ठार मारल्याचा दावा केला आहे. आतापर्यंत १०० हून अधिक पाकिस्तानी सैनिक मारले गेले आहेत.
यावेळी ६४ वर्षांनंतर रमजानच्या शुक्रवारी होळी आहे. यापूर्वी १९६१ मध्ये, होळी आणि रमजानचा शुक्रवार (जुम्मा) ४ मार्च रोजी एकत्र आला होता. उत्सवात व्यत्यय येऊ नये म्हणून उत्तर प्रदेशातील पोलिस प्रशासन सतर्क आहे. राज्यातील १० जिल्ह्यांत शुक्रवारच्या नमाजच्या वेळेत बदल करण्यात आला आहे.
गृह मंत्रालयाने बुधवारी राज्यसभेत सांगितले की, सायबर क्राइम कोऑर्डिनेशन सेंटर (I4C) ने डिजिटल अटक प्रकरणांमध्ये सहभागी असलेल्या 3,962 हून अधिक स्काईप आयडी आणि 83,668 व्हॉटसअ‍ॅप अकाउंटची ओळख पटवली आहे आणि ते ब्लॉक केले आहेत. आय4सी ही सायबर गुन्ह्यांवर लक्ष ठेवण्यासाठी गृह मंत्रालयाची एक विशेष शाखा आहे.
बिहार विधिमंडळाच्या अर्थसंकल्पीय अधिवेशनाच्या ९ व्या दिवशी बुधवारी सभागृहात बराच गोंधळ झाला. माजी मुख्यमंत्री राबडी देवी विधानसभेबाहेर म्हणाल्या – ‘मुख्यमंत्री नितीश कुमार हे भांगेचे व्यसनी आहेत, ते भांग सेवन करून विधानसभेत येतात आणि महिलांचा अपमान करतात.’
राज्य सरकारला शक्तिपीठ महामार्ग करायचा आहे, पण तो लादायचा नाही, अशी भूमिका मुख्यमंत्री देवेंद्र फडणवीस यांनी बुधवारी विधान परिषदेत स्पष्ट केली. सरकार या प्रकरणी शेतकऱ्यांना विश्वासात घेऊन पुढले पाऊल उचलेल, असे ते म्हणालेत. त्यामुळे या महामार्गाला शेतकऱ्यांचा विरोध असला तरी सरकार कोणत्याही स्थितीत हा आपला ड्रीम प्रोजेक्ट पूर्ण करणार हे स्पष्ट झाले आहे.
केंद्रीय नवीन आणि नवीकरणीय ऊर्जा मंत्री प्रल्हाद जोशी यांनी बुधवारी देशात १०० गिगावॅट सौरऊर्जेसह २२२ गिगावॅट अक्षय ऊर्जेच्या उत्पादनाचा उल्लेख करत पंतप्रधान नरेंद्र मोदी यांच्या नेतृत्वाखाली ५०० गिगावॅट अक्षय ऊर्जा उत्पादनाचे लक्ष्य निश्चितच साध्य होईल असा विश्वास व्यक्त केला.
उपराष्ट्रपती जगदीप धनखड यांच्या प्रकृतीशी संबंधित महत्त्वाची माहिती समोर आली आहे. दिल्ली एम्सने त्यांच्या प्रकृतीबद्दल अपडेट दिले आहे. दिल्ली एम्सने म्हटले आहे की, ‘उपाध्यक्ष जगदीप धनखड यांना एम्स दिल्लीमधून डिस्चार्ज देण्यात आला आहे. हृदयरोगामुळे त्यांना ९ मार्च रोजी एम्समध्ये दाखल करण्यात आले होते. त्याच्या प्रकृतीत समाधानकारक सुधारणा झाली आहे. पुढील काही दिवस त्यांना पुरेशी विश्रांती घेण्याचा सल्ला देण्यात आला आहे.
आता हरियाणामध्ये दुहेरी नाही तर तिहेरी इंजिन सरकार स्थापन झाले आहे. विधानसभा निवडणुकीनंतर, महापालिका निवडणुकीतही भाजपने दणदणीत विजय मिळवला आहे. हरियाणातील १० पैकी ९ नगरपालिका निवडणुकांमध्ये भाजपने विजय मिळवला आहे. तर भाजपच्या एका बंडखोर अपक्ष उमेदवाराने एका जागेवर विजय मिळवला.
पंतप्रधान नरेंद्र मोदी दोन दिवसांच्या मॉरिशस दौऱ्यावर आहेत. बुधवारी ते मॉरिशसच्या राष्ट्रीय दिनाच्या समारंभात प्रमुख पाहुणे म्हणून उपस्थित होते. यानंतर, पंतप्रधान मोदी आणि मॉरिशसचे पंतप्रधान नवीनचंद्र रामगुलाम यांनी संयुक्त पत्रकार परिषद घेतली.
खुद्द पाकिस्तानात महागाई आणि वस्तूंचा खडखडाट, पण बांगलादेशाला आता पाकिस्तान कडून आयात वाढवण्याची खाज!! अशी परिस्थिती नोबेल पुरस्कार प्राप्त अर्थशास्त्रज्ञ मोहम्मद युनूस यांच्या राजवटीत बांगलादेशावर ओढवली आहे.
दिल्लीच्या राऊस अव्हेन्यू कोर्टाने सरकारी निधीच्या गैरवापर प्रकरणी माजी मुख्यमंत्री अरविंद केजरीवाल यांच्याविरुद्ध एफआयआर दाखल करण्याचे आदेश दिले आहेत. केजरीवाल यांच्यावर प्रसिद्धीसाठी मोठे होर्डिंग्ज लावण्यासाठी सार्वजनिक पैशाचा गैरवापर केल्याचा आरोप आहे.
संसदेच्या विशेष समितीने पंजाबमधील खदूर साहिबचे खासदार अमृतपाल सिंग यांना 54 दिवसांची अनुपस्थिती रजा मंजूर करण्याची शिफारस केली आहे. अमृतपाल सिंग एप्रिल २०२३ पासून राष्ट्रीय सुरक्षा कायद्याअंतर्गत (NSA) आसाममधील दिब्रुगड तुरुंगात बंद आहेत. अटकेमुळे संसदेत अनुपस्थित राहण्याची परवानगी मागण्यासाठी त्यांनी लोकसभा अध्यक्षांना दोन विनंत्या सादर केल्या होत्या.
लोकसभेत मंगळवारी तामिळनाडूच्या एका खासदाराने केंद्रीय कृषी मंत्रालयाकडे पंतप्रधान किसान सन्मान निधी योजनेवरून प्रश्न विचारला. या प्रश्नाच्या उत्तरात कृषीमंत्री शिवराज सिंह चौहान म्हणाले, मी तामिळनाडू सरकारला विनंती करतो की, कुणी पात्र लाभार्थी असेल तर पीएम किसान सन्मान निधीपासून वंचित असेल तर त्यांनी नाव पोर्टलवर अपडेट करावे.
क्रेन युद्ध संपवण्यासाठी मंगळवारी अमेरिकन आणि युक्रेनियन अधिकाऱ्यांमध्ये बैठक झाली. यानंतर, युक्रेनने अमेरिकेचा ३० दिवसांचा युद्धबंदी प्रस्ताव स्वीकारला आहे. युक्रेनचे अध्यक्ष वोलोदिमिर झेलेन्स्की यांनी याची पुष्टी केली.
राष्ट्रीय स्वयंसेवक संघाचे (RSS) सरकार्यवाह दत्तात्रेय होसाबळे म्हणाले की, आपल्या देशाला भारत म्हटले पाहिजे, इंडिया नाही. हे दुरुस्त करणे आवश्यक आहे. देशाला दोन नावांनी का ओळखले जाते? हे दुरुस्त करणे आवश्यक आहे. जर ते भारत असेल तर त्याला फक्त भारत म्हणा.
भारताला त्यांच्या आयात शुल्कात मोठी कपात करायची आहे, हा अमेरिकेचे राष्ट्राध्यक्ष डोनाल्ड ट्रम्प यांचा दावा भारत सरकारने शुक्रवारी फेटाळून लावला. भारताचे वाणिज्य सचिव सुनील बर्थवाल यांनी सोमवारी संसदीय समितीला सांगितले की, भारताने अमेरिकेसोबत कर कमी करण्याचे कोणतेही आश्वासन दिलेले नाही.
Our website uses cookies to improve your experience. Learn more
Download App