भारत आणि सेशेल्सने रविवारी 19 मोठ्या करारांची आणि विकास प्रकल्पांची घोषणा केली. पंतप्रधान मोदी आणि सेशेल्सचे अध्यक्ष पॅट्रिक हर्मिनी यांच्या उपस्थितीत झालेल्या या निर्णयामुळे संरक्षण, डिजिटल पेमेंट, आरोग्य, शिक्षण, अंतराळ आणि सागरी सुरक्षा यांसारख्या अनेक क्षेत्रांमध्ये सहकार्य मजबूत होईल.
मुख्यमंत्री देवेंद्र फडणवीस यांनी मुंबईत पाणी फाउंडेशन आयोजित ‘सत्यमेव जयते फार्मर कप 2026’चा शुभारंभ केला.
वरिष्ठ आयपीएस (IPS) अधिकारी विश्वास नांगरे पाटील यांनी नुकताच नागपूरचे नवनियुक्त पोलीस आयुक्त म्हणून पदभार स्वीकारला. पदभार स्वीकारल्यानंतर आयोजित करण्यात आलेल्या पहिल्याच पत्रकार परिषदेत त्यांनी अलीकडेच राष्ट्रीय स्वयंसेवक संघाच्या (RSS) एका कार्यक्रमाला लावलेल्या हजेरीवरून सुरू असलेल्या वादावर मौन सोडले. “माझी कटिबद्धता केवळ भारतीय संविधानाशी असून, त्या कार्यक्रमात मी कोणत्याही ‘कंडक्ट रुल्स’चा (सेवा नियमांचा) भंग केलेला नाही,” असे स्पष्टीकरण नांगरे पाटील यांनी दिले आहे.
महाराष्ट्र शिक्षक पात्रता परीक्षा (TET) पेपरफुटी प्रकरणात भिवंडी पोलिसांनी अत्यंत मोठी कारवाई करत एका मोठ्या रॅकेटचा पर्दाफाश केला आहे. भिवंडीतील कोनगाव पोलिस ठाण्याच्या हद्दीत टीईटी परीक्षेचे पेपर विक्री करण्यासाठी आलेल्या राजू प्रयाग शाम आणि त्याच्या इतर दोन साथीदारांना पोलिसांनी रंगेहात पकडले. या तिन्ही आरोपींना 27 जून रोजी अटक करण्यात आली असून, त्यांच्याकडून परीक्षेचे प्रश्नपत्रिका संचदेखील जप्त करण्यात आले आहेत.
महाराष्ट्राच्या राजकीय वर्तुळात ‘ऑपरेशन टायगर’च्या माध्यमातून झालेल्या मोठ्या स्थित्यंतरानंतर आता आणखी एका संभाव्य बदलाची चर्चा रंगू लागली आहे. दिवंगत नेते अजित पवार यांच्या राष्ट्रवादी काँग्रेस पक्षाकडे (अजित पवार) पुन्हा एकदा राज्याचे महत्त्वाचे मानले जाणारे अर्थखाते सोपवले जाणार असल्याचे संकेत मिळत आहेत. अजित पवारांचे सुपुत्र जय पवार यांनी बारामतीमधील एका जाहीर कार्यक्रमात यावर अत्यंत भाष्य केले असून, मुख्यमंत्री देवेंद्र फडणवीस यांनी तसा शब्द दिल्याचा मोठा दावा त्यांनी केला आहे.
पुणे जिल्ह्यातील नसरापूर येथे दोन महिन्यांपूर्वी घडलेल्या अत्यंत अमानुष आणि राक्षसी अत्याचार-हत्या प्रकरणाचा विशेष फास्ट ट्रॅक कोर्टाने आज ऐतिहासिक निकाल दिला आहे. अवघ्या तीन वर्षांच्या चिमुरडीवर अत्याचार करून तिची निर्घृण हत्या करणाऱ्या ६५ वर्षीय नराधम भीमराव कांबळेला न्यायालयाने दोषी ठरवत थेट फाशीची शिक्षा सुनावली आहे.
टीईटी पेपरफुटीच्या मुद्द्यावरून शालेय शिक्षणमंत्री दादा भुसे यांनी विधानसभेत निवेदन दिल्यानंतर, भाजपचे ज्येष्ठ नेते सुधीर मुनगंटीवार यांनी आपल्याच सरकारला घरचा अहेर दिला आहे. “राज्यातील तरुण आधीच आपल्यावर प्रचंड नाराज असून, जर पोलिस निरीक्षकाने वेळीच कारवाई करून हा डाव उधळला नसता, तर परीक्षा झाल्यावर राज्यात मोठी बोंबाबोंब झाली असती,” अशी थेट कबुली देत मुनगंटीवार यांनी भर अधिवेशनात सरकारला खडेबोल सुनावले आहेत.
पुण्यातील केतन अग्रवाल हत्या प्रकरणात एक नवीन बाब समोर आली आहे. माध्यमांच्या वृत्तानुसार, सियाने लग्नाच्या खरेदीच्या बहाण्याने केतनकडून १ कोटी रुपये घेतले होते. मात्र, खरेदी करण्याऐवजी तिने ती सर्व रक्कम तिचा प्रियकर चेतन चौधरी याला दिली.
उद्धव ठाकरेंनी भाजपची चिंता अजिबात करू नये, त्याऐवजी त्यांनी स्वतःच्या पक्षाकडे बघावे. त्यांचा पक्ष दिवसेंदिवस लहान होत चालला आहे, आधी त्याची काळजी घ्यावी. त्यांचे सर्व लोक त्यांना सोडून दुसऱ्या पक्षात जात आहेत,” अशा शब्दांत भाजपचे नेते चंद्रशेखर बावनकुळे यांनी उद्धव ठाकरेंच्या टीकेला प्रत्युत्तर दिले आहे. उद्धव ठाकरेंच्या यवतमाळमधील सभेनंतर बावनकुळेंनी त्यांच्यावर निशाणा साधला.
महाराष्ट्राला हादरवून सोडणाऱ्या लोहगड येथील केतन अग्रवाल मृत्यूप्रकरणी अटक करण्यात आलेली त्याची भावी पत्नी सिया गोयल आणि तिचा प्रियकर चेतन यांची पोलिस कोठडी आज संपत असल्याने त्यांना न्यायालयात हजर करण्यात आले होते. सुनावणीदरम्यान, तपास पूर्ण झाल्याने कोठडीत वाढ करू नये असा युक्तिवाद आरोपींच्या वकिलांनी केला.
भारतात आता परदेशी विद्यापीठाची पदवी घेण्यासाठी परदेशात जाण्याची गरज नाही. केंद्र सरकारने आतापर्यंत १५ परदेशी विद्यापीठांना भारतात कॅम्पस उघडण्यासाठी लेटर ऑफ इंटेंट (LoI) जारी केले आहे. यापैकी बहुतेक कॅम्पस ऑगस्टपासून पहिली बॅच सुरू करतील.
नसरापूर येथील चिमुकलीवरील अमानवी अत्याचार आणि हत्या प्रकरणातील दोषीला न्यायालयाने फाशीची शिक्षा सुनावल्याबद्दल पुण्यात ‘महिला शक्ती समूह’ आणि ‘संघटित नारी शक्ती’ तर्फे आनंद व्यक्त करण्यात आला. या ऐतिहासिक आणि न्याय्य निकालाचे स्वागत करण्यासाठी सोमवारी संध्याकाळी ‘कलाकार कट्टा’ येथे जाहीर अभिवादन सभेचे आयोजन करण्यात आले होते.
महाड येथील भारतरत्न डॉ. बाबासाहेब आंबेडकर राष्ट्रीय स्मारकात राज्यस्तरीय सामाजिक न्याय परिषद संपन्न झाली. या परिषदेने तीन महत्त्वाचे ठराव एकमताने मंजूर केले. यामध्ये ‘एक गाव-एक पाणवठा’, ‘एकसंघ भारताचा संकल्प’ आणि ‘नक्षलमुक्त भारत अभियान’ या ठरावांचा समावेश आहे
दक्षिण अमेरिकी देश व्हेनेझुएलामध्ये रविवारी पुन्हा 5.6 तीव्रतेचा भूकंप झाला. युरो-मेडिटेरेनियन सिस्मोलॉजिकल सेंटर (EMSC) नुसार, भूकंपाचे केंद्र अरागुआ किनारपट्टीजवळ समुद्रात 30 किलोमीटर खोलीवर होते.
पाकिस्तानच्या कराची येथे शनिवारी रात्री दहशतवाद्यांनी सिंध रेंजर्सच्या निमलष्करी मुख्यालयावर हल्ला केला. हा हल्ला रात्री 8.30 वाजता गुलिस्तान-ए-जौहर परिसरात झाला. यात चार रेंजर्सचा मृत्यू झाला. प्रत्युत्तरात सहा दहशतवादी मारले गेले, तर एका दहशतवाद्याला जखमी अवस्थेत अटक करण्यात आली.
युरोप सध्या विक्रमी उष्णतेच्या लाटेच्या विळख्यात आहे. फ्रान्समध्ये तीव्र उष्णतेमुळे सुमारे 1,000 अतिरिक्त लोकांचा मृत्यू झाला आहे. आरोग्य संस्थेने रविवारी सांगितले की, हे मृत्यू 24 जून ते 27 जून दरम्यान झाले. अतिरिक्त मृत्यूंचा अर्थ असा आहे की, गेल्या काही वर्षांतील सरासरी मृत्यूंच्या तुलनेत यावेळी सुमारे 1000 लोक जास्त मरण पावले आहेत.
लडाखचे सामाजिक कार्यकर्ते सोनम वांगचुक यांनी रविवारी जंतर-मंतरवर अनिश्चितकालीन उपोषण सुरू केले. नीट पेपरफुटी आणि सीबीएसईच्या गोंधळाच्या विरोधात जंतर-मंतरवर कॉकरोच जनता पार्टीच्या आंदोलनाचा आज नववा दिवस आहे.
ईडीने उत्पन्नापेक्षा अधिक संपत्तीशी संबंधित मनी लॉन्ड्रिंग प्रकरणात आसाम पोलिसांचे माजी डीआयजी आणि निवृत्त आयपीएस अधिकारी प्रशांत कुमार दत्ता यांची ५३.२८ कोटी रुपयांची संपत्ती जप्त केली आहे.
आधी पवारांच्या मागे धावले आणि आता फडणवीसांच्या मागे लागले!!, नेमका हाच राजकीय प्रकार मराठी पंतप्रधानाच्या बाबतीत घडला.
बंडखोर खासदारांच्या विरोधात उद्धव ठाकरेंचा मराठवाडा दौरा; तरीही शिंदे सेनेत कार्यकर्त्यांची भरती!!, असला प्रकार समोर आला.
आधी पवारांच्या मागे धावले आणि आता फडणवीसांच्या मागे लागले!!, नेमका हाच राजकीय प्रकार मराठी पंतप्रधानाच्या बाबतीत घडला.
श्रीराम जन्मभूमी ट्रस्टने शनिवारी चंपत राय आणि अनिल मिश्रा यांच्या राजीनाम्याची पुष्टी केली. ट्रस्टचे कोषाध्यक्ष स्वामी गोविंददेव गिरी म्हणाले की, महामंत्री चंपत राय आणि विश्वस्त अनिल मिश्रा यांच्याकडून त्यागपत्र मिळाले आहे. आम्ही आमच्या 11 जुलै रोजी होणाऱ्या बैठकीत यावर विचार करू.
पुणे जिल्ह्यातील भोर तालुक्यातील नसरापूर येथे साडेतीन वर्षाच्या मुलीवर अत्याचार करून तिचा निर्दयीपणे खून करणाऱ्या नराधम भीमराव कांबळे (वय ६५) याला आज (सोमवारी, ता २९) कोर्टाने फाशीची शिक्षा सुनावली.
अमेरिकन राष्ट्राध्यक्ष डोनाल्ड ट्रम्प यांनी म्हटले आहे की, इराणने आपली वर्तणूक सुधारली नाही, तर त्याचे अस्तित्वच संपेल. ‘ट्रुथ सोशल’वर (Truth Social) पोस्ट करताना ते म्हणाले, इराण कधीच बदलणार नाही असे दिसते, परंतु आता आम्ही संयम बाळगू शकत नाही. अशी वेळ येऊ शकते जेव्हा आम्हाला अत्यंत यशस्वीरीत्या सुरू केलेली लष्करी मोहीम पूर्ण करावी लागेल. तसे घडल्यास, इराणचे अस्तित्वच संपेल.
सांगली जिल्हा मध्यवर्ती बँकेकडून संचालकांना चुकीच्या पद्धतीने देण्यात आलेले कर्ज, नियमबाह्य कर्जमाफी आणि एकंदर गैरकारभारावर ठपका ठेवत रिझर्व्ह बँक ऑफ इंडियाने बँकेला ‘कारणे दाखवा’ नोटीस बजावली आहे. भाजप आमदार गोपीचंद पडळकर यांनी दिलेल्या माहितीनुसार, आरबीआयकडून बँकिंग नियमन कायद्याच्या कलम 35 ‘अ’ आणि 47 ‘अ’ अन्वये ही कठोर कारवाई करण्यात आली असून, या नोटीसमुळे सहकार वर्तुळात मोठी खळबळ उडाली आहे.