विशेष प्रतिनिधी
शांघाय : चीनच्या पूर्व किनाऱ्याला इन-फा या चक्रीवादळाने धडक दिली आहे. वादळाच्या पार्श्वभूमीवर या भागातील सर्व विमान उड्डाणे रद्द करण्यात आली असून नागरिकांना घरातच थांबण्याच्या सूचना देण्यात आल्या आहेत. cyclone hits in China
वादळाने झेनजिआंग प्रांतातील झौशन गावाला सर्वप्रथम धडकले. या वादळामुळे पूर्व किनाऱ्यावर ३५० मिमी पाऊस कोसळण्याचा इशारा देण्यात आला आहे. वादळातील वाऱ्यांचा वेग १५५ किलोमीटर प्रतितास इतका आहे. या वादळाने तैवानलाही तडाखा दिला आहे.
वादळाचा जोर असल्याने शांघाय येथील दोन्ही विमानतळांवरून होणारी शेकडो विमान उड्डाणे रद्द करावी लागली असून उद्याही हे विमानतळ बंदच राहण्याची शक्यता आहे. शांघायच्या जवळच असलेल्या निन्गबो शहरातही पावसाचा जोर असून सर्व प्रकारची वाहतूक विस्कळीत झाली आहे. चीनच्या मध्य प्रांतात पूरपरिस्थिती कायम असताना हे दुसरे नैसर्गिक संकट चीनवर येऊन धडकले आहे. या चक्रीवादळामुळे काही प्रमाणात वित्त हानी झाली असली तरी अद्यापपर्यंत कोणीही मृत्युमुखी पडल्याचे वृत्त नाही.
पुरात मृत्युमुखी पडलेल्यांची संख्या ६३ झाली असून चीन सरकारने पुरात अडकलेल्या नागरिकांसाठी पाणी आणि अन्नाची पाकिटे पाठविली आहेत. चिनी सैनिकही बचाव कार्य करत आहेत.
cyclone hits in China
महत्त्वाच्या बातम्या
- चौकशीच्या दरम्यान पोलीसांसमोर ढसाढसा रडली शिल्पा शेट्टी, नवरा राज कुंद्रासोबत झाला जोरदार वाद
- ममता सरकारने पुन्हा काढली खोडली, राज्यपाल, विरोधी पक्षनेत्यांच्या मोटारीवरील लाल दिवे हटविण्याचा घेतला निर्णय
- आत्ता पूरग्रस्तांना तातडीची मदत द्या, परंतु पूरपरिस्थिती रोखण्यासाठी दीर्घकालीन उपाययोजनाही करा; फडणवीसांचे प्रतिपादन
- राज्यावरील संकटे मुख्यमंत्र्यांचा पायगुण, पाय पाहायला पाहिजे, पांढरे आहेत का्य नारायण राणे यांची उध्दव ठाकरेंवर टीका
