आजचा भारत शत्रूच्या घरात घुसून मारतो - मोदी जमुईमध्ये गरजले! Todays India enters the enemys house and kills Modi is needed in Jamui

आजचा भारत शत्रूच्या घरात घुसून मारतो – मोदी जमुईमध्ये गरजले!

आजचा भारत जगाला दिशा दाखवतो असे पंतप्रधान मोदी म्हणाले. Todays India enters the enemys house and kills Modi is needed in Jamui

विशेष प्रतिनिधी

पाटणा : पंतप्रधान नरेंद्र मोदी यांनी आज बिहारमध्ये राष्ट्रीय लोकशाही आघाडीच्या (एनडीए) लोकसभा निवडणुकीच्या प्रचाराचा शुभारंभ केला. जमुई येथील रॅलीला संबोधित करताना PM मोदी म्हणाले की, आजचा भारत शत्रूच्या घरात घुसून मारतो. काँग्रेसच्या काळात भारत हा गरीब आणि कमकुवत देश मानला जात होता.

तसेच, लहान देशांचे दहशतवादी आपल्यावर हल्ले करून निघून जायचे आणि तत्कालीन काँग्रेस तक्रारी घेऊन इतर देशात जात असे. असे चालणार नाही. आजचा भारत घराघरात घुसून मारतो. आजचा भारत जगाला दिशा दाखवतो असे पंतप्रधान मोदी म्हणाले.

जमुई येथे पंतप्रधानांनी जनतेला सांगितले की, ही निवडणूक म्हणजे विकसित बिहारचे स्वप्न पूर्ण करण्याची निवडणूक आहे… एका बाजूला काँग्रेस आणि राजदसारखे पक्ष आहेत, ज्यांनी आपल्या सरकारच्या काळात संपूर्ण जगात देशाचे नाव खराब केले होते. दुसरी बाजू भाजप आणि एनडीएची आहे ज्यांचे एकमेव ध्येय आहे विकसित भारत निर्माण करणे आहे.

राजदच्या जंगलराजचा बिहार मोठा बळी होता, सरकारी योजना जमुईपर्यंत पोहोचू दिल्या जात नव्हत्या. ज्याने मजूर आणि शेतकऱ्यांचे नुकसान व्हायचे पण आज जमुई विकासाच्या महामार्गावर वेगाने पुढे जात आहे. नक्षलवाद संपला आहे. असंही मोदी म्हणाले.