रामराज्याचा आदर्श घेऊन 22 जानेवारीला 'या' राज्यात असणार 'ड्राय डे'|Dry Day will be held in Chhattisgarh on January 22 following the example of Ram Rajya

रामराज्याचा आदर्श घेऊन 22 जानेवारीला ‘या’ राज्यात असणार ‘ड्राय डे’

याशिवाय सरकार सुशासन सप्ताह देखील साजरा करणार आहे, जाणून घ्या कोणत्या राज्यात झाला हा निर्णय

विशेष प्रतिनिधी

रायपूर : अयोध्येतील राम मंदिरात २२ जानेवारी रोजी रामलल्लाचा अभिषेक सोहळा होणार आहे. या दिवशी छत्तीसगडमध्ये ड्राय डे असणार आहे. मुख्यमंत्री विष्णू देव साई यांनी २५ डिसेंबर ते २ जानेवारी दरम्यान चाललेल्या सुशासन सप्ताहाच्या शेवटच्या दिवशी ही घोषणा केली.Dry Day will be held in Chhattisgarh on January 22 following the example of Ram Rajya

राम मंदिराच्या गर्भगृहासाठी निवडली गेली अरुण योगीराज यांनी साकारलेली सुंदर मूर्ती

छत्तीसगडचे मुख्यमंत्री विष्णू देव साई यांनी मंगळवारी सांगितले की, त्यांच्या सरकारने २२ जानेवारी हा दिवस ‘ड्राय डे’ म्हणून घोषित करण्याचा निर्णय घेतला आहे कारण त्या दिवशी अयोध्येतील राम मंदिराचा अभिषेक होणार आहे. साई म्हणाले की, आपणा सर्वांना माहित आहे की आम्ही २५ डिसेंबर ते २ जानेवारी दरम्यान सुशासन सप्ताह साजरा करत आहोत. आमचे संकल्प आणि सुशासनाचे आदर्श रामराज्य आहे.

याशिवाय या सोहळ्यासाठी तांदूळ उत्पादक संस्थांनी येथून सुमारे ३००० टन तांदूळ पाठविला असल्याचे मुख्यमंत्री म्हणाले. तसेच आमचे भाजीपाला उत्पादकही भाजीपाला पाठवणार असल्याचंही ते म्हणाले. २२ जानेवारीला राम मंदिराच्या अभिषेक सोहळ्याबाबत संपूर्ण राज्यात उत्साह आहे. दिवाळीसारखे वातावरण असेल. घरोघरी दिवे लावले जातील.