आता प्रत्येक प्रवाशाला 'कन्फर्म तिकीट' देण्यासाठी रेल्वे विभागाची विशेष तयारी सुरू Now the railway department is making special preparations to give confirmed ticket to every passenger

आता प्रत्येक प्रवाशाला ‘कन्फर्म तिकीट’ देण्यासाठी रेल्वे विभागाची विशेष तयारी सुरू

जाणून घ्या, साधारण कधीपर्यंत प्रत्येकाला कन्फर्म तिकीट देण्याचा रेल्वेचा विचार आहे.

विशेष प्रतिनिधी

मुंबई : रेल्वेने प्रवास करणाऱ्यांसाठी एक आनंदाची बातमी आहे. वेटिंग तिकीट आता भूतकाळातील गोष्ट होणार आहे. कारण, भारतीय रेल्वे सर्व प्रवाशांना कन्फर्म तिकीट देण्याची तयारी करत आहे. त्यामुळे प्रवाशांना आता कन्फर्म तिकीटासाठी जास्त वेळ प्रतीक्षा करावी लागणार नाही. रेल्वेने यासाठी कालमर्यादाही निश्चित केली आहे. Now the railway department is making special preparations to give confirmed ticket to every passenger

सध्या वर्षाला 800 कोटी प्रवासी रेल्वेने प्रवास करत आहेत. त्यासाठी मेल, पॅसेंजर, उपनगरीय आणि प्रवासी अशा 10748 गाड्या चालवल्या जात आहेत. या 800 कोटी प्रवाशांपैकी प्रत्येकाला कन्फर्म तिकीट मिळत नाही. यातील अनेकांना वेटिंग तिकिटांवर प्रवास करावा लागतो, जे खूपच गैरसोयीचे आहे. 2027 पर्यंत प्रत्येकाला कन्फर्म तिकीट देण्याची रेल्वेची योजना आहे. त्या दिशेने कामही सुरू झाले आहे.

दरवर्षी 1000 कोटी प्रवाशांना प्रवास करण्याची रेल्वेची योजना आहे. यासाठी 3000 अतिरिक्त गाड्या चालवल्या जातील, जेणेकरून प्रत्येकाला कन्फर्म तिकीट देता येईल. या संदर्भात रेल्वे मंत्री अश्विनी वैष्णव यांनी सांगितले की, भारतीय रेल्वे ट्रॅकची क्षमता वाढवण्यासाठी आणि गाड्या वाढवण्याच्या दिशेने सतत काम करत आहे. प्रत्येकाला सोयीस्कर प्रवास उपलब्ध करून देणे हे रेल्वेचे उद्दिष्ट आहे.