राणा दांपत्य वेगवेगळ्या तुरुंगात

By, Vishal Joshi - April 25, 2022 12:45:43

0

विशेष प्रतिनिधी

मुंबई : अपक्ष खासदार नवनीत राणा आणि त्यांचे आमदार पती रवी राणा यांनी उध्दव ठाकरे निवासस्थान मातोश्रीबाहेर हनुमान चालिसा वाचण्यासाठी ठाम राहून तुरुंगात रात्र काढली. तुरुंगात जाण्यापूर्वी दोघांची कोरोना चाचणी करण्यात आली. मुंबई पोलिसांनी अपक्ष खासदार नवनीत राणा यांना येथील भायखळा महिला कारागृहात हलवले तर त्यांचे आमदार पती रवी राणा यांना कडेकोट बंदोबस्तात शेजारच्या नवी मुंबईतील तळोजा कारागृहात नेण्यात आले. एका अधिकाऱ्याने सोमवारी ही माहिती दिली. Rana couple in different jails

राणा दाम्पत्याविरुद्ध आयपीसीच्या कलम 15 ए आणि 353 तसेच मुंबई पोलिस कायद्याच्या कलम 135 अंतर्गत एफआयआर नोंदवण्यात आला आहे. आणि सर्वात मोठे कलम 124A म्हणजेच देशद्रोहाचे कलम लावण्यात आले आहे.

खरोखरच राणा दाम्पत्यांनी ‘देशद्रोह’ केलाय का..?

दरम्यान, भाजप नेते किरीट सोमय्या यांच्यावरील हल्ल्याचे प्रकरण आता दिल्लीत पोहोचले आहे. याप्रकरणी आता भाजपच्या शिष्टमंडळाने जाऊन गृहसचिवांची भेट घेतली आहे. शिष्टमंडळातील सर्व सदस्यांनी राज्यातील कायदा व सुव्यवस्थेबाबत निवेदन दिले असून किरीट सोमय्या यांचा मुद्दाही उपस्थित केला आहे. शिष्टमंडळाचे प्रतिनिधित्व करणारे किरीट सोमय्या यांनी गृह सचिवांना महाराष्ट्रातील परिस्थितीचा आढावा घेण्यासाठी एक विशेष टीम पाठवण्याची विनंती केली आहे.

सोमय्या शनिवारी अटक अपक्ष खासदार नवनीत राणा आणि त्यांचे आमदार पती रवी राणा यांना भेटण्यासाठी खार पोलीस ठाण्यात गेले होते, त्यावेळी त्यांच्यावर हल्ला करण्यात आला होता.