कल्याण सिंह, जनरल बिपिन रावत, प्रभा अत्रे यांना पद्मविभूषण; सुलोचना चव्हाण, सायरस पूनावाला आणि डॉ हिंमत बावस्कर यांना पद्म सन्मान!

By, Pravin Wankhade - January 25, 2022 09:11:10

0

विशेष प्रतिनिधी

नवी दिल्ली : केंद्र सरकारने प्रजासत्ताक दिनाच्या पूर्वसंध्येला 2022 च्या पद्म पुरस्कारांची घोषणा केली. यामध्ये पद्मविभूषण पुरस्कारासाठी चार नावांची निवड करण्यात आली आहे. जनरल बिपिन रावत यांना मरणोत्तर पद्मविभूषण प्रदान करण्यात येणार आहे. गेल्या वर्षी डिसेंबरमध्ये विमान अपघातात त्यांचा मृत्यू झाला होता. त्यावेळी ते देशाचे पहिले चीफ ऑफ डिफेन्स स्टाफ होते.Posthumous Padma Vibhushan to General Bipin Rawat

याशिवाय भाजपचे माजी नेते कल्याण सिंह (सार्वजनिक व्यवहार) आणि गीताप्रेस गोरखपूरचे अध्यक्ष राधेश्याम खेमका (साहित्य आणि शिक्षण) यांना मरणोत्तर पद्मविभूषण प्रदान करण्यात आला आहे.

काँग्रेस नेते गुलाम नबी आझाद यांना पद्मभूषण पुरस्काराने सन्मानित करण्यात येणार आहे. मायक्रोसॉफ्टचे सीईओ सत्या नडेला, अल्फाबेटचे सीईओ सुंदर पिचाई, एसआयआयचे एमडी सायरस पूनावाला यांना पद्मभूषण पुरस्काराने सन्मानित करण्यात येणार आहे. ऑलिंपियन नीरज चोप्रा, प्रमोद भगत आणि वंदना कटारिया आणि गायक सोनू निगम यांना पद्मश्रीने सन्मानित करण्यात येणार आहे.