कर्नाटक विधानसभेत गोहत्याविरोधी आणि गोपालन बिल मंजूर

वृत्तसंस्था

बेंगळुरू : कर्नाटक विधानसभेने गोहत्याविरोधी आणि गोपालन विधेयक २०२० आज विधानसभेत बहुमताने मंजूर केले. राज्याच्या येडीयुरप्पा सरकारने हे विधेयक मांडले होते. राज्याचे पशुपालनमंत्री जे. सी. मधुस्वामी यांनी ही माहिती दिली.

गाय, गोवंश, गोऱ्हा यांची कत्तल आणि हत्या गुन्हा ठरविण्यात आली असून त्यासाठी शिक्षेच्या वेगवेगळ्या तरतुदी कायद्यात करण्यात आल्या आहेत. गाय आणि गोवंशाची अवैध वाहतूक, त्यांची कत्तल आणि कोणत्याही कारणासाठी हत्या, गोमांसाची विक्री आदी गुन्ह्यांसाठीही वेगवेगळ्या शिक्षेच्या तरतुदी या कायद्यात करण्यात आल्याची माहिती मधुस्वामी यांनी दिली.

गायीला अथवा गोवंशाला वांशिक आणि संसर्गजन्य आजार झाला असेल तर डॉक्टरांच्या परवानगीने त्याची विल्हेवाट लावता येईल. परंतु, कोणत्याही स्थितीत कसायाला विकता येणार नाही किंवा त्यांच्या कत्तलीला परवानगी देण्यात येणार नाही, अशी तरतूदी कायद्यात करण्यात आली आहे.

१३ वर्षे वया वरील म्हैस अथवा रेडा यांच्या हत्येला परवानगी देण्यात आली आहे. परंतु, त्यांचे वैद्यकीय तपासणी नियम कडक करण्यात आले आहेत.

Slaughter of cows & calves not allowed. Slaughter of buffaloes above 13yrs allowed. Illegal selling, transportation or culling of cows made punishable. If a cow has contacted a disease which can spread to other cattle then it can be culled/slaughtered: Karnataka Min JC Madhuswamy https://t.co/9R7XWSLrjn pic.twitter.com/ybdKHzienE

— ANI (@ANI) December 9, 2020