मेट्रो प्रकल्पात राज्याइतकाच केंद्राचाही निधी, आरेच्या जागेला सर्वोच्च न्यायालयाचीही मान्यता; फडणवीसांनी करून दिली आठवण

विशेष प्रतिनिधी

मुंबई : मेट्रो प्रकल्पात राज्य सरकारइतकाच निधी केंद्र सरकारचा सुद्धा आहे.केंद्राच्या मदतीने JICAने या प्रकल्पाला वित्तपुरवठा केला आहे. मुंबईकरांच्या हितासाठी केंद्र सरकारने यापूर्वीसुद्धा महाराष्ट्राला सहकार्य करण्याची भूमिका घेतली; यापुढे सुद्धा सहकार्याचीच भूमिका केंद्र सरकारची असेल, असे माजी मुख्यमंत्री देवेंद्र फडणवीस यांनी आज स्पष्ट केले. central govt has same share of expenditure in metro, reminds devendra fadanvis

आरेच्या जागेला सर्वोच्च न्यायालयाने मंजुरी दिली आहे. आरेची जागा अंतिम झाल्यानंतर काम सुद्धा बरेच पुढे गेले आणि 100 कोटी रुपयांचा खर्चही झाला. लोकशाहीत चर्चेला आमची कायमच तयारी असते आणि चर्चेतून मार्गही निघतो.

ठाकरे – पवार सरकारला उच्च न्यायालयाचा दणका; कांजूरमार्ग मेट्रो कारशेडचा निर्णयापासून माघारीची तयारी
मनात शंका असेल तर आज आरे कारशेडला जी जागा दिली, त्यापेक्षा एक इंच जास्त जागा भविष्यात दिली जाणार नाही, असा निर्णय करा, आम्ही त्याला पाठिंबा देऊ, असे आश्वासनही फडणवीस यांनी मुख्यमंत्र्यांना दिले.