विशेष प्रतिनिधी
आग्रा – तिरंगा यात्रेत कोरोना नियमांचे उल्लंघन केल्याप्रकरणी आम आदमी पक्षाच्या १७ नेत्यांसह ५०० अज्ञातांविरुद्ध गुन्हा दाखल करण्यात आला. दिल्लीचे उपमुख्यमंत्री मनीष सिसोदिया, राज्यसभा खासदार संजय सिंह यांचाही यात समावेश आहे. AAP breaks rules in UP, 17 leaders booked
उत्तर प्रदेशमधील आगामी विधानसभा निवडणुकीच्या पार्श्वभूमीवर स्वातंत्र्याच्या अमृतमहोत्सवाचे औचित्य साधत अयोध्या, लखनौत तिरंगा यात्रा काढण्याचे आपचे नियोजन आहे. अयोध्येसह उत्तर प्रदेशातील ४०३ विधानसभा मतदारसंघात यात्रा काढण्याची घोषणा सिसोदिया यांनी केली आहे.
आपने रविवारी आग्र्यातील जीआयसी मैदान ते शहीद स्मारकदरम्यान यात्रा काढली होती. त्यात सिसोदिया, सिंह यांच्यासह आपचे कार्यकर्ते मोठ्या प्रमाणावर सहभागी झाले होते. पोलिसांनी कोरोनामुळे केवळ ५० जणांच्या उपस्थितीत यात्रा काढण्याची परवानगी दिली होती. मात्र, यात्रेत मोठ्या संख्येने सहभागी झालेल्यांनी या नियमाचे उल्लंघन केले. या सर्वजणांविरुद्ध भादंविच्या संबंधित कलमांसह साथरोग कायद्यांतर्गत गुन्हा नोंदविण्यात आला.
AAP breaks rules in UP, 17 leaders booked
महत्त्वाच्या बातम्या