जे आपल्या वडिलांचे आणि काकांचे ऐकत नाही ते तुमचे काय ऐकणार जयंत बाबू??; अमित शहांचे जयंत चौधरी - अखिलेश यांना टोले |What will Jayant Babu listen to if he doesn't listen to his father and uncle ??; Amit Shah's Jayant Chaudhary

जे आपल्या वडिलांचे आणि काकांचे ऐकत नाही ते तुमचे काय ऐकणार जयंत बाबू??; अमित शहांचे जयंत चौधरी – अखिलेश यांना टोले

वृत्तसंस्था

अनुपशहर : उत्तर प्रदेशात जे अखिलेश यादव आपल्या वडिलांचे आणि काकांचे ऐकत नाहीत ते तुमचे काय ऐकणार जयंत बाबू??, असा खोचक सवाल केंद्रीय गृहमंत्री अमित शहा यांनी आज केला.अनूपशहर मध्ये भाजप कार्यकर्त्यांच्या मेळाव्यात ते बोलत होते. यावेळी अमित शहा यांनी अखिलेश यादव आणि जयंत चौधरी यांच्या समाजवादी पक्ष आणि राष्ट्रीय लोकदलाच्या युतीवर टीकास्त्र सोडले.What will Jayant Babu listen to if he doesn’t listen to his father and uncle ??; Amit Shah’s Jayant Chaudhary – Akhilesh

अमित शहा म्हणाले, की परवाच अखिलेश यादव यांनी पत्रकार परिषदेत जयंत चौधरी यांना आपल्या शेजारी बसवून घेतले होते. त्यामुळे जयंत चौधरींना वाटेल की समाजवादी पक्षाचे सरकार उत्तर प्रदेशात आले तर अखिलेश यादव हे आपले ऐकतील. पण जयंत बाबू हे विसरले की जे अखिलेश यादव आपल्या वडिलांचे आणि काकांचे ऐकत नाहीत, ते त्यांचे काय शकतील?, ते असा टोला त्यांनी लगावला.

ब्रिटिशांनी कितीही अत्याचार केले, तरी देशाची स्वातंत्र्येच्छा मारू शकले नाहीत, सावरकरांचा अंदमानातून संपूर्ण जगाला संदेश; अमित शहांचे प्रतिपादन

अमित शहा म्हणाले, की समाजवादी पक्षाचे सरकार उत्तर प्रदेशात येण्याची सुतराम शक्यता नाही. पण चुकून माकून अखिलेश यादव यांचे सरकार बनलेच, तर दुसऱ्या – तिसऱ्या दिवशी ते जयंत चौधरी यांना बाजूला करून त्यांच्या जागेवर आझम खान यांना आणून बसवतील, याची जयंत चौधरी यांनी खात्री बाळगावी!!

#WATCH परसों के प्रेस कॉन्फ्रेंस में अखिलेश जी ने जयंत चौधरी जी को अपने साथ बैठाया था। जयंत जी को लगता है कि अगर सरकार बनेगी, तो अखिलेश बाबू उनकी सुनेंगे। अरे! जयंत बाबू जो अपने पिताजी और चाचा जी की नहीं सुनते, वो आपकी क्या सुनेंगे: उत्तर प्रदेश के अनुपशहर में गृह मंत्री अमित शाह pic.twitter.com/zpCSUN6AJZ

— ANI_HindiNews (@AHindinews) February 3, 2022

गेल्या काही दिवसांपासून अमित शहा हे जयंत चौधरी यांना राजकीयदृष्ट्या टार्गेट करताना दिसत आहेत. जयंत चौधरी हे चांगले नेते आहेत परंतु त्यांनी चुकीचा मार्ग निवडून अखिलेश यादव यांच्याबरोबर युती केली आहे. त्यामुळे त्यांच्याच पक्षाचे मोठे नुकसान होत आहे, असे टीकास्त्र अमित शहा यांनी सोडले होते. आज पुन्हा एकदा अनुपशहर मध्ये अमित शहा यांनी अखिलेश यादव – जयंत चौधरी जोडगोळीवर टीकास्त्र सोडले आहे.