Toolkit Case : टूलकिटप्रकरणी सोमवारी संध्याकाळी ट्विटर इंडियाच्या ऑफिसमध्ये छापा टाकल्याची बाब दिल्ली पोलिसांनी नाकारली आहे. सोमवारी असे वृत्त होते की, दिल्ली पोलिसांचे स्पेशल सेल छापा मारण्यासाठी ट्विटर इंडियाच्या लाडो सराय आणि गुरुग्राम कार्यालयात गेले होते, परंतु आता पोलिसांनी हे छापे सल्याचे स्पष्टीकरण दिले आहे. Toolkit Case Delhi Police Deny Raid On Twitter Office Says Went There To For Just Notice
विशेष प्रतिनिधी
नवी दिल्ली : टूलकिटप्रकरणी सोमवारी संध्याकाळी ट्विटर इंडियाच्या ऑफिसमध्ये छापा टाकल्याची बाब दिल्ली पोलिसांनी नाकारली आहे. सोमवारी असे वृत्त होते की, दिल्ली पोलिसांचे स्पेशल सेल छापा मारण्यासाठी ट्विटर इंडियाच्या लाडो सराय आणि गुरुग्राम कार्यालयात गेले होते, परंतु आता पोलिसांनी हे छापे सल्याचे स्पष्टीकरण दिले आहे. यासंदर्भात स्पष्टीकरण देताना दिल्ली पोलिसांनी म्हटले आहे की, ते ट्विटर ऑफिसमध्ये फक्त नोटीस देण्यासाठी गेले होते. पोलिसांचे म्हणणे आहे की, त्यांना नोटीस स्वीकारणाऱ्या योग्य अधिकाऱ्याची माहिती घ्यायची होती, याचमुळे पोलिसांच्या पथकाला तेथे जावे लागले.
सोमवारी दिल्ली पोलिसांच्या स्पेशल सेलने ट्विटर इंडियाला नोटीस बजावत पुरावे सादर करण्यास सांगितले. ज्यावर ट्विटरने म्हटले आहे की, ते माहिती देण्यास बाध्य नाहीत. ट्विटरचे प्रत्युत्तर मिळाल्यानंतर दिल्ली पोलिसांचे विशेष सेल ट्विटर इंडियाच्या लाडो सराय आणि गुरुग्राम कार्यालयात पोहोचले. पोलीस तासभर तेथे थांबले. यावेळी स्पेशल सेलनेही ट्विटर इंडियाच्या अधिकाऱ्यांशी संपर्क साधण्याचा प्रयत्न केला, परंतु जेव्हा कार्यालयाचा दरवाजा उघडला गेला नाही, तेव्हा टीमला परत यावं लागलं. पोलीस ट्विटर ऑफिसमध्ये जात असल्याचे काही व्हिडिओ सोशल मीडियावर मोठ्या प्रमाणात व्हायरल होत आहेत. या व्हिडिओंमध्ये पोलिसांची टीम ट्विटर ऑफिसबद्दल लोकांकडे विचारपूस करत आहे. परंतु पोलिसांनी आता हा छापा नसल्याचे स्पष्ट केले आहे.
चौकशीचा व्हिडिओ समोर आल्यानंतर दिल्ली पोलिसांनी याप्रकरणी स्पष्टीकरण दिले आहे. दिल्ली पोलिसांचे प्रवक्ते चिन्मय बिश्वाल म्हणाले की, पोलीस पथक नोटीस देण्यासाठी वेगवेगळ्या ठिकाणी पोहोचले होते. त्यांना नोटीस ज्याला द्यायची आहे त्या अधिकाऱ्याची माहिती घ्यायची होती. 18 मे रोजी भाजप प्रवक्ते संबित पात्रा आणि भाजप सरचिटणीस बीएल संतोष यांनी दोन स्वतंत्र चार पानांच्या कागदपत्रांचे स्क्रीनशॉट ट्विट केले होते. यातील एक दस्तऐवज कोविड-19 आणि दुसरे केंद्रीय व्हिस्टा प्रकल्पाशी संबंधित होते. या ट्वीटमध्ये असा दावा केला गेला होता की, ही कॉंग्रेसची टूलकिट आहे आणि देशातील कोरोना साथीच्या संदर्भात मोदी सरकारला बदनाम करण्यासाठी कॉंग्रेसने हे टूलकिट तयार केले आहे.
Toolkit Case Delhi Police Deny Raid On Twitter Office Says Went There To For Just Notice
महत्त्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more