दहावी, बारावी बोर्डाच्या परिक्षाबाबत सर्वोच्च न्यायालयात सुनावणी सुरु

वृत्तसंस्था

नवी दिल्ली : देशभरातील दहावी आणि बारावी बोर्डाच्या ऑफलाइन परीक्षा रद्द करण्याच्या याचिकेवर सुनावणी करण्यास सर्वोच्च न्यायालयाने सहमती दर्शवली आहे.supreme court agrees to hear petition to cancel offline board exams of 10th 12th class

सरन्यायाधीश न्यायमूर्ती एनव्ही रमणा म्हणाले की, न्यायमूर्ती एएम खानविलकर यांचे खंडपीठ या प्रकरणाची सुनावणी करेल. अधिवक्ता प्रशांत पद्मनाभन यांनी खंडपीठाला सांगितले की, ही याचिका विद्यार्थ्यांच्या बोर्ड परीक्षेशी संबंधित आहे.
याचिकेत सर्व राज्य बोर्ड, सीबीएसई आणि आयसीएसई दहावी आणि बारावीच्या ऑफलाइन परीक्षा रद्द करण्याची मागणी करण्यात आली आहे.



 

याचिकेत म्हटले आहे की, कोविडमुळे ऑफलाइन वर्ग घेतलेले नाहीत. त्यामुळे ऑफलाइन परीक्षांऐवजी ऑनलाइन परीक्षा घेण्यात याव्यात. यावर, न्यायाधीश म्हणाले की, हे प्रकरण न्यायमूर्ती एएम खानविलकर यांच्या खंडपीठासमोर सूचीबद्ध केले जाईल.

वकील आणि बाल हक्क कार्यकर्ते अनुभा सहाय श्रीवास्तव यांनीही ऑफलाइन परीक्षेऐवजी पर्यायी मूल्यमापन पद्धतीने निकाल देण्याची मागणी करणारा अर्ज दाखल केला आहे. या याचिकेत सर्व बोर्डांना वेळेवर निकाल जाहीर करण्याचे निर्देश देण्यात यावेत आणि विविध आव्हानांना तोंड देत सुधारित परीक्षेला पर्याय द्यावा, अशी मागणीही करण्यात आली आहे.

महत्त्वाच्या बातम्या