Vaccine Scam in Punjab : पंजाब सरकारने लसीकरण धोरणात बदल केला आहे. खासगी रुग्णालयांमध्ये कोरोना लस दुप्पट दराने विकण्याच्या प्रकारावर विरोधकांनी केलेल्या आरोपांनंतर पंजाब सरकार बॅकफुटवर आले आहे. कोविड-लसीचे प्रभारी आयएएस विकास गर्ग यांच्या वतीने आदेश देण्यात आले आहेत की, उर्वरित डोस तातडीने खासगी रुग्णालयांनी परत करावेत. लस निधीमध्ये जमा झालेली रक्कम लवकरच सरकारकडून रुग्णालयांना दिली जाईल. Punjab govt cancels decision to profit from vaccine selling after Centre’s notice on Vaccine Scam in Punjab
विशेष प्रतिनिधी
चंदिगड : पंजाब सरकारने लसीकरण धोरणात बदल केला आहे. खासगी रुग्णालयांमध्ये कोरोना लस दुप्पट दराने विकण्याच्या प्रकारावर विरोधकांनी केलेल्या आरोपांनंतर पंजाब सरकार बॅकफुटवर आले आहे. कोविड-लसीचे प्रभारी आयएएस विकास गर्ग यांच्या वतीने आदेश देण्यात आले आहेत की, उर्वरित डोस तातडीने खासगी रुग्णालयांनी परत करावेत. लस निधीमध्ये जमा झालेली रक्कम लवकरच सरकारकडून रुग्णालयांना दिली जाईल.
कोव्हॅक्सिनच्या 1 लाख कुप्यांपैकी पंजाब सरकारने राज्यातील खासगी रुग्णालयांना एक डोस 1,060 रुपये दराने विकल्याची माहिती नुकतीच समोर आली आहे. या कोरोना लस सरकारने 400 रुपयांमध्ये विकत घेतल्या होत्या. राज्यातील खासगी रुग्णालये सरकारकडून खरेदी केलेल्या लसीसाठी सर्वसामान्यांना 1560 रुपये आकारून मोठा नफा कमावत होती.
हा प्रकार उजेडात आल्यानंतर विरोधी पक्षाने सरकारवर हल्ला चढवला. तीव्र विरोध होत असल्याचे पाहून शुक्रवारी सरकारने हा निर्णय मागे घेण्याचे आदेश जारी केले. कोविड लस लसीकरणाच्या मोहिमेचे प्रभारी आयएएस विकास गर्ग यांनी एक आदेश जारी केला आहे. ज्यामध्ये असे म्हटले आहे की, लसीकरणाबाबत खासगी रुग्णालयांमध्ये गंभीर दुर्लक्ष झाले आहे. यामुळे सरकार यापुढे ही लस खासगी रुग्णालयांना विकणार नाही. सरकारने जारी केलेल्या आदेशात उर्वरित लसही मागे घेण्यात येईल, असे सांगण्यात आले आहे. सरकारही रुग्णालयांचा व्हॅक्सिन फंडमध्ये जमा पैसा लवकरच रिलीज करणार आहे.
गुरुवारी शिरोमणी अकाली दलाचे अध्यक्ष सुखबीर बादल यांनी पंजाब सरकारवर लस खासगी रुग्णालयांना विकल्याचा आरोप केला. हे प्रकरण गंभीर असल्याचे सांगत सुखबीर यांनी हायकोर्टाच्या देखरेखीखाली चौकशी करण्याची मागणी केली होती. आरोग्यमंत्री बलबीरसिंग सिद्धू हे पंजाबमधील लोकांच्या जिवाशी खेळण्याच्या आरोपाखाली गुन्हा दाखल करण्याची मागणी शिरोमणी अकाली दलाच्या प्रमुखांनी केली होती.
Punjab govt cancels decision to profit from vaccine selling after Centre’s notice on Vaccine Scam in Punjab
महत्त्वाच्या बातम्या
- पंतप्रधान नरेंद्र मोदी यांना जिवे मारण्याची धमकी, दिल्ली पोलिसांनी 22 वर्षीय तरुणाला केली अटक
- पंजाबात व्हॅक्सिन घोटाळा!, कोव्हॅक्सिन 400 रुपयांना घेऊन खासगी रुग्णालयांना 1096 रुपयांना विक्री केल्याचा आरोप
- केरळ सरकारचे 20 हजार कोटींचे कोविड पॅकेज, आरोग्य सेवा – लसीकरणावर लक्ष केंद्रित, कोणताही नवीन कर नाही
- मराठा आरक्षणाच्या मागणीसाठी बीडमध्ये उद्या मराठा क्रांती संघर्ष मोर्चाकडून एल्गार, विनायक मेटेंची माहिती
- निर्बंधांसह का असेना यावर्षी पायी वारी झालीच पाहिजे, भाजपची आध्यात्मिक आघाडी आक्रमक