डिझेल-पेट्रोलच्या किंमती कमी करण्यावर प्रियंका गांधी म्हणाल्या - हा निर्णय मनापासून नाही, तर भीतीने घेतलाय । priyanka gandhi has taken a jibe at the narendra modi government for reducing the price of petrol and diesel

डिझेल-पेट्रोलच्या किंमती कमी करण्यावर प्रियंका गांधी म्हणाल्या – हा निर्णय मनापासून नाही, तर भीतीने घेतलाय

केंद्रातील नरेंद्र मोदी सरकारने दिवाळीच्या मुहूर्तावर पेट्रोल आणि डिझेलच्या वाढत्या किमतींपासून देशवासीयांना दिलासा दिला आहे. सरकारने पेट्रोलवरील उत्पादन शुल्कात (एक्साईज ड्युटी) पाच रुपयांनी, तर डिझेलवर १० रुपयांची कपात केली आहे. कमी झालेले दर आजपासून लागू होतील. दुसरीकडे सरकारच्या या निर्णयावर प्रियांका गांधी यांनी मोदी सरकारला टोला लगावला आहे. भीतीपोटी सरकारने भाव कमी केल्याचे त्यांनी म्हटले आहे. priyanka gandhi has taken a jibe at the narendra modi government for reducing the price of petrol and diesel

विशेष प्रतिनिधी

नवी दिल्ली : केंद्रातील नरेंद्र मोदी सरकारने दिवाळीच्या मुहूर्तावर पेट्रोल आणि डिझेलच्या वाढत्या किमतींपासून देशवासीयांना दिलासा दिला आहे. सरकारने पेट्रोलवरील उत्पादन शुल्कात (एक्साईज ड्युटी) पाच रुपयांनी, तर डिझेलवर १० रुपयांची कपात केली आहे. कमी झालेले दर आजपासून लागू होतील. दुसरीकडे सरकारच्या या निर्णयावर प्रियांका गांधी यांनी मोदी सरकारला टोला लगावला आहे. भीतीपोटी सरकारने भाव कमी केल्याचे त्यांनी म्हटले आहे.

निर्णय मनापासून नव्हे तर भीतीने घेतला आहे

काँग्रेस सरचिटणीस प्रियांका गांधी यांनी ट्विट केले आहे की, “हा मनापासून नव्हे तर भीतीने घेतलेला निर्णय आहे. वसुली म्हणजे येत्या निवडणुकीत सरकारच्या लुटीला उत्तर देण्यासाठी आहे.” महागाई आणि बेरोजगारीच्या मुद्द्यावरून प्रियांका गांधी सातत्याने हल्लाबोल करत आहेत. पेट्रोलच्या दरात कपात केल्यावरही त्यांनी मोदी सरकारवर टीकास्त्र सोडले आहे.

इंधन दरवाढ सामान्यांच्या भल्यासाठीच – मुख्यमंत्री उद्धव ठाकरे

या राज्यांनीही किमती कमी केल्या

केंद्र सरकारने पेट्रोल आणि डिझेलच्या दरात कपात केल्यानंतर अनेक भाजपशासित राज्यांमध्ये पेट्रोल आणि डिझेलच्या दरात कपात करण्यात आली आहे. यामध्ये उत्तर प्रदेश, मणिपूर, गोवा, उत्तराखंड, कर्नाटक, आसाम आणि त्रिपुरा या राज्यांचा समावेश आहे. येथे डिझेलचे दर 1 रुपयापर्यंत कमी झाले आहेत.

ये दिल से नहीं डर से निकला फैसला है।

वसूली सरकार की लूट को आने वाले चुनाव में जवाब देना है।#PetrolDieselPrice

— Priyanka Gandhi Vadra (@priyankagandhi) November 4, 2021

यूपीमध्ये पेट्रोल आणि डिझेल 12 रुपयांनी स्वस्त

केंद्राने पेट्रोल आणि डिझेलवरील उत्पादन शुल्कात कपात केल्यानंतर उत्तर प्रदेश सरकारनेही पेट्रोलवरील व्हॅटमध्ये 7 रुपये आणि डिझेलवर 2 रुपयांची कपात केली आहे. अशाप्रकारे आता उत्तर प्रदेशमध्ये पेट्रोल आणि डिझेल दोन्ही 12-12 रुपयांनी स्वस्त झाले आहेत.