"भिंतीच्या उंची एवढी कॅशची उंची" एवढा मोठा पुरावा सापडलाय, अखिलेश यादव त्यांचे पार्टनर आहेत काय?; निर्मला सीतारामन यांच्या तोफा |Nirmala Sitaraman gives befitting replay to Akhilesh Yadav

“भिंतीच्या उंची एवढी कॅशची उंची” एवढा मोठा पुरावा सापडलाय, अखिलेश यादव त्यांचे पार्टनर आहेत काय?; निर्मला सीतारामन यांच्या तोफा

वृत्तसंस्था

नवी दिल्ली : उत्तर प्रदेशातील अत्तर व्यापाऱ्यांच्या घरांवर पडलेल्या प्राप्तिकराच्या छाप्यांच्या मुद्द्यावरून निर्मला केंद्रीय अर्थ मंत्री निर्मला सीतारामन यांनी एकापाठोपाठ एक तोफा डागल्या आहेत.Nirmala Sitaraman gives befitting replay to Akhilesh Yadav

माजी मुख्यमंत्री अखिलेश यादव यांनी अत्तर व्यापारी पियुष जैन यांच्याकडे सापडलेला पैसा भाजपचा असल्याचा आरोप केला होता. त्याला निर्मला सीतारामन यांनी खणखणीत प्रत्युत्तर दिले आहे. “भिंतीच्या उंचीएवढी कॅशची उंची” एवढा मोठा पुरावा सापडला आहे.

अखिलेश यादव यांचा धर्मांध निजाम निवडाल की योगी- मोदी सरकारचा विकासाचा निजाम, अमित शाह यांचा सवाल

कोणा सामान्य व्यक्तीच्या घरात एवढे असते का? आणि अखिलेश यादव यांना तरी कसे माहिती की एवढी मोठी कॅश संबंधित व्यापाऱ्याकडे आहे ते!! ते त्यांचे पार्टनर आहेत का? अखिलेश यादव म्हणतात हा पैसा भाजपचा आहे. पण मुळात एवढी मोठी कॅश त्या व्यापाऱ्याकडे आहे हे त्यांना कसे कळले?

सर्वसामान्य माणसाला ही गोष्ट कळु शकत नाही. एखादा व्यक्ती पार्टनर असेल तर दुसर्‍या पार्टनर कडे किती पैसा आहे हे त्याला समजू शकते. मग अखिलेश यादव हे त्या व्यापाऱ्यांचे पार्टनर आहेत का?, असा खोचक सवाल निर्मला सीतारामन यांनी केला.

#WATCH | He (SP chief) should not raise doubts about the professionalism of the organization. The height of (seized) cash is proof that law enforcement agencies are working honestly… Should we wait for post-poll 'muhurta' or catch the thief today itself?: FM Nirmala Sitharaman pic.twitter.com/r3CyIcmw66

— ANI (@ANI) December 31, 2021

अखिलेश यादव यांनी इन्कम टॅक्स डिपार्टमेंट सारख्या प्रोफेशनल डिपार्टमेंट वर प्रश्नचिन्ह उपस्थित करणे गैर आहे. त्यांचे अधिकारी आपले काम प्रामाणिकपणे करत आहेत. भिंतीच्या उंचीएवढी कॅशची उंची झाली एवढा मोठा पुरावा सापडला. 23 किलो सोने सापडले आणि अखिलेश यादव म्हणतात निवडणुका असल्यामुळे इन्कम टॅक्स छापे मारले.

चोरांना रेड हँड पकडायचे की निवडणुकीचा मुहूर्त पाहत बसायचे? की निवडणुकीच्या मुहूर्तानंतर चोरांना पकडायला जायचंय??, असा सवालही निर्मला सीतारामन यांनी केले केला.

निर्मला सीतारामन आज अत्यंत आक्रमक मूडमध्ये होत्या. अखिलेश यादव यांनी उत्तर प्रदेशातील छाप्यावर उपस्थित केलेल्या प्रत्येक प्रश्नाला त्यांनी सणसणीत प्रत्युत्तर दिले. आता समाजवादी पक्षाकडून सीतारामन यांच्यावर यांच्या उत्तरांवर नेमकी काय प्रतिक्रिया येते हे पाहणे महत्त्वाचे ठरणार आहे.