Lakhimpur Kheri Violence UP Police paste notice outside Union minister Ajay Mishra's residence

लखीमपूर हिंसेप्रकरणी यूपी पोलिसांनी गाठले मंत्री अजय मिश्रा यांचे घर, घराबाहेर चिकटवली मुलाच्या चौकशीची नोटीस

Lakhimpur Kheri Violence : यूपीच्या लखीमपूर खीरी येथे शेतकर्‍यांवर कार घातल्याप्रकरणी पोलिसांनी केंद्रीय मंत्री अजय मिश्रा यांचा आरोपी मुलगा आशिष मिश्रा यांना चौकशीसाठी समन्स जारी केले आहे. चौकशीची नोटीस मंत्र्यांच्या घराबाहेर चिकटवण्यात आली आहे. लखीमपूर प्रकरणातील आरोपी आशिष मिश्रा उपस्थित असावेत. केंद्रीय गृह राज्यमंत्री आशिष मिश्रा यांच्या मुलाला आता पोलिसांनी उद्या सकाळी 10 वाजता चौकशीसाठी बोलावले आहे. आशिष मिश्रांची पोलीस प्रथमच चौकशी करणार आहेत. Lakhimpur Kheri Violence UP Police paste notice outside Union minister Ajay Mishra’s residence


प्रतिनिधी

लखनऊ : यूपीच्या लखीमपूर खीरी येथे शेतकर्‍यांवर कार घातल्याप्रकरणी पोलिसांनी केंद्रीय मंत्री अजय मिश्रा यांचा आरोपी मुलगा आशिष मिश्रा यांना चौकशीसाठी समन्स जारी केले आहे. चौकशीची नोटीस मंत्र्यांच्या घराबाहेर चिकटवण्यात आली आहे. लखीमपूर प्रकरणातील आरोपी आशिष मिश्रा उपस्थित असावेत. केंद्रीय गृह राज्यमंत्री आशिष मिश्रा यांच्या मुलाला आता पोलिसांनी उद्या सकाळी 10 वाजता चौकशीसाठी बोलावले आहे. आशिष मिश्रांची पोलीस प्रथमच चौकशी करणार आहेत.

या प्रकरणात विरोधकांनी पोलिसांवर हायप्रोफाइल आरोपींना ‘संरक्षण’ दिल्याचा आरोप केला होता. लखनऊ झोनच्या आयजी लक्ष्मी सिंह यांनी माध्यमांना म्हटले की, ‘आशिष मिश्रा यांना समन्स जारी करण्यात आले आहे. त्यांना लवकरात लवकर चौकशीसाठी उपस्थित राहण्यास सांगितले आहे. यूपी पोलिसांनी दाखल केलेल्या एफआयआरमध्ये आशिष मिश्रा यांना हत्येचा आरोपी केले आहे. मात्र, अधिकाऱ्यांनी त्यांना अद्याप अटक केलेली नाही.

बुधवारी, यूपी पोलिसांचे अतिरिक्त महासंचालक प्रशांत कुमार यांनी म्हटले की, ‘कोणालाही सोडले जाणार नाही. तांत्रिक पुरावा कायम आहे, त्यात छेडछाड केली जाऊ शकत नाही.’ मंगळवारी राज्यातील एका उच्च पोलीस अधिकाऱ्याने आशिष यांच्या अटकेबाबतच्या प्रश्नावर म्हटले की, ‘आम्ही आधी आंदोलक शेतकऱ्यांमुळे व्यग्र होतो, नंतर शवविच्छेदन आणि नंतर अंतिम संस्कार. आम्ही प्रत्येक प्रकरणात योग्य प्रक्रियेचे अनुसरण केले. या प्रकरणाची सखोल चौकशी करू. या प्रकरणात हायप्रोफाईल आरोपींचा सहभाग नसता तर त्याने असाच दृष्टिकोन स्वीकारला असता का, असे विचारले असता अधिकारी म्हणाले की, “पोलिसांची भूमिका आरोपीच्या नव्हे तर पीडितांच्या दिशेने आहे.”

लखीमपूर हिंसाचार प्रकरणात चार दिवसानंतर पोलिसांनी अटक केली आहे. लव कुश आणि आशिष पांडे नावाच्या दोन आरोपींना अटक करण्यात आली आहे. असे सांगितले जाते की, अटक केलेले दोन्ही व्यक्ती केंद्रीय मंत्री अजय मिश्रा यांचे पुत्र आशिष मिश्रा यांचे जवळचे आहेत. याशिवाय पोलीस काही लोकांना ताब्यात घेऊन त्यांची चौकशीही करत आहेत.

लखीमपूर हिंसाचारात आठ जणांचा मृत्यू

लखीमपूरमध्ये झालेल्या हिंसाचारात आठ जणांचा मृत्यू झाला आहे. यातील 4 जणांचा कारमुळे मृत्यू झाला आहे, तर उर्वरित लोकांचा गोंधळात मृत्यू झाला आहे. केंद्रीय गृह राज्यमंत्री अजय मिश्रा टेनी यांचे पुत्र आशिष मिश्रा यांनी त्यांच्यावर कार घातल्याचा कृषी कायद्यांचा विरोध करत असल्याचा शेतकऱ्यांचा आरोप आहे.

Lakhimpur Kheri Violence UP Police paste notice outside Union minister Ajay Mishra’s residence

महत्त्वाच्या बातम्या