सिसोदिया यांना केरळच्या मुख्यमंत्र्यांचा पाठिंबा : पीएम मोदींना लिहिले पत्र, म्हणाले- एजन्सी त्रास देत आहेत, अटक चुकीची Kerala Chief Minister's support to Sisodia Letter to PM Modi, said- Agencies are harassing, arrest is wrong

सिसोदिया यांना केरळच्या मुख्यमंत्र्यांचा पाठिंबा : पीएम मोदींना लिहिले पत्र, म्हणाले- एजन्सी त्रास देत आहेत, अटक चुकीची

वृत्तसंस्था

नवी दिल्ली : दिल्लीचे माजी उपमुख्यमंत्री मनीष सिसोदिया यांना आता केरळचे मुख्यमंत्री पिनराई विजयन यांचा पाठिंबा मिळाला आहे. विजयन यांनी पंतप्रधान नरेंद्र मोदींना पत्र लिहून सिसोदिया यांच्या अटकेप्रकरणी निषेध नोंदवला आहे. सिसोदिया आणि विरोधी पक्षाच्या नेत्यांना राजकीय षडयंत्राचा भाग म्हणून गोवले जात असल्याचा आरोप त्यांनी आपल्या पत्रात केला आहे. Kerala Chief Minister’s support to Sisodia Letter to PM Modi, said- Agencies are harassing, arrest is wrong

विजयन म्हणाले की, अनेक विरोधी राजकीय पक्ष आणि अनेक राज्यांच्या मुख्यमंत्र्यांनी याप्रकरणी निषेध नोंदवला आहे. विजयन यांनी लिहिले की, ‘माननीय पंतप्रधानांचे लक्ष वेधण्यासाठी मी हे पत्र लिहित आहे. विविध राज्यांच्या मुख्यमंत्र्यांसह अनेक विरोधी पक्ष मनीष सिसोदिया यांच्या अटकेला विरोध करत आहेत. या अटकेमुळे केंद्रीय एजन्सीचा गैरवापर होत असल्याचा युक्तिवाद आणखी मजबूत झाला आहे.’

Kerala CM Pinarayi Vijayan writes to PM Modi over the arrest of former Delhi Deputy CM Manish Sisodia in the excise policy case pic.twitter.com/flOkelhsgF

— ANI (@ANI) March 7, 2023

काहीही आक्षेपार्ह आढळले नाही

विजयन म्हणाले, ‘सिसोदिया यांच्या प्रकरणात रोख रकमेसारखी कोणतीही आक्षेपार्ह वस्तू जप्त करण्यात आलेली नाही. अशा परिस्थितीत एजन्सी चुकीच्या पद्धतीने विरोधी पक्षाच्या नेत्यांना लक्ष्य करत आहेत. ते जनतेने निवडून दिलेले प्रतिनिधी असून तपास यंत्रणांनी समन्स बजावल्यावर ते त्यांच्यासमोर हजरही राहिले आहेत.