पत्रकार राणा अयुब यांना परदेशात जाण्यास बंदी, ईडीने जारी केले 'लूक आऊट सर्क्युलर', तपासात सहकार्य करण्याचे निर्देश|Journalist Rana Ayub banned from traveling abroad, ED issues 'Look Out Circular', directs co-operation in investigation

पत्रकार राणा अयुब यांना परदेशात जाण्यास बंदी, ईडीने जारी केले ‘लूक आऊट सर्क्युलर’, तपासात सहकार्य करण्याचे निर्देश

पत्रकार राणा अय्युब यांच्या विरोधात अंमलबजावणी संचालनालयाने (ईडी) जारी केलेल्या ‘लुक आउट परिपत्रक’च्या पार्श्वभूमीवर, मंगळवारी मुंबई आंतरराष्ट्रीय विमानतळावरील अधिकाऱ्यांनी त्यांना परदेशात जाण्यापासून रोखले. अधिकाऱ्यांनी ही माहिती दिली. केंद्रीय तपास एजन्सीला अयुब (३७) यांची चौकशी करायची आहे आणि त्यांच्याविरुद्ध मनी लाँड्रिंग प्रकरणात त्यांचे म्हणणे नोंदवायचे आहे. अधिकाऱ्यांनी सांगितले की, पत्रकार अयुब लंडनला जाणाऱ्या विमानात बसण्यासाठी मुंबई आंतरराष्ट्रीय विमानतळावर आल्या, परंतु इमिग्रेशन अधिकाऱ्यांनी त्यांना थांबवले. त्यानंतर लगेचच ईडीच्या पथकाने विमानतळावर त्यांची चौकशी केली आणि त्यांना तपासात सहभागी होण्यास सांगितले.Journalist Rana Ayub banned from traveling abroad, ED issues ‘Look Out Circular’, directs co-operation in investigation

वृत्तसंस्था

मुंबई : पत्रकार राणा अय्युब यांच्या विरोधात अंमलबजावणी संचालनालयाने (ईडी) जारी केलेल्या ‘लुक आउट परिपत्रक’च्या पार्श्वभूमीवर, मंगळवारी मुंबई आंतरराष्ट्रीय विमानतळावरील अधिकाऱ्यांनी त्यांना परदेशात जाण्यापासून रोखले. अधिकाऱ्यांनी ही माहिती दिली. केंद्रीय तपास एजन्सीला अयुब (३७) यांची चौकशी करायची आहे आणि त्यांच्याविरुद्ध मनी लाँड्रिंग प्रकरणात त्यांचे म्हणणे नोंदवायचे आहे.

अधिकाऱ्यांनी सांगितले की, पत्रकार अयुब लंडनला जाणाऱ्या विमानात बसण्यासाठी मुंबई आंतरराष्ट्रीय विमानतळावर आल्या, परंतु इमिग्रेशन अधिकाऱ्यांनी त्यांना थांबवले. त्यानंतर लगेचच ईडीच्या पथकाने विमानतळावर त्यांची चौकशी केली आणि त्यांना तपासात सहभागी होण्यास सांगितले.

पत्रकार राणा अयूबला लंडनला जाताना मुंबई विमानतळावरच रोखले, कोरोनाच्या नावाखाली देणग्या उकळल्याचा आरोप

अयुब यांना 1 एप्रिलला ईडीच्या कार्यालयात हजर राहण्यास सांगण्यात आल्याचे समजते. अधिकाऱ्यांनी सांगितले की, ईडीने त्यांना यापूर्वीही समन्स बजावले होते. एजन्सीने या वर्षाच्या सुरुवातीला बँकेतील 1.77 कोटी रुपयांहून अधिक ठेवी तात्पुरत्या स्वरूपात जप्त केल्या होत्या. कोविड-19 मदतीसाठी देणगीदारांकडून 2020-21 मध्ये मिळालेल्या योगदानातील कथित अनियमिततेशी संबंधित प्रकरणाच्या संदर्भात अयुब यांच्यावर ही कारवाई करण्यात आली.

अयुब यांनी नोटिशीचे पालन केले नाही

अधिकाऱ्यांनी सांगितले की, अयुब यांनी नोटिशीचे पालन केले नाही आणि एजन्सीला त्याने देश सोडावा असे वाटत नाही. कारण त्यामुळे तपास आणि त्यानंतर न्यायालयात आरोपपत्र दाखल करण्यास विलंब होऊ शकतो. अयुब यांनी ट्विट करून या घटनेची माहिती दिली आहे.

“पत्रकारांना धमकावण्याच्या विषयावर ICFJ मध्ये माझे भाषण देण्यासाठी मी लंडनला माझ्या फ्लाइटमध्ये जात असताना मला आज भारतीय इमिग्रेशनमध्ये थांबवण्यात आले,” असे त्यांनी ट्वीटमध्ये म्हटले आहे. यानंतर, भारतीय लोकशाहीवरील पत्रकारिता महोत्सवाला संबोधित करण्यासाठी मी इटलीला जाणार होते, अशीही माहिती त्यांनी दिली आहे.