भारताला स्विस खात्याची चौथी यादी मिळाली : नाव-पत्त्यापासून खात्यातील शिल्लक रकमेपर्यंत माहिती; मनी लाँड्रिंग तपासात मदतIndia gets fourth list of Swiss accounts information from name-address to account balance; Assistance in Money Laundering Investigations

भारताला स्विस खात्याची चौथी यादी मिळाली : नाव-पत्त्यापासून खात्यातील शिल्लक रकमेपर्यंत माहिती; मनी लाँड्रिंग तपासात मदत

वृत्तसंस्था

नवी दिल्ली : भारताला स्विस बँक खात्यांच्या तपशीलाची चौथी यादी मिळाली आहे. वार्षिक ऑटोमॅटिक एक्सचेंज ऑफ इन्फॉर्मेशन (AEOI) अंतर्गत, स्वित्झर्लंडने सुमारे 34 लाख आर्थिक खात्यांचे तपशील 101 देशांसोबत शेअर केले आहेत. भारताला AEOI अंतर्गत स्वित्झर्लंडकडून पहिला तपशील सप्टेंबर 2019 मध्ये प्राप्त झाला, ती माहिती त्यांनी 75 देशांशी शेअर केली होती. India gets fourth list of Swiss accounts information from name-address to account balance; Assistance in Money Laundering Investigations

भारतासोबत शेअर केला डेटा

हा डेटा अनेक खात्यांसह शेकडो आर्थिक खात्यांशी जोडलेला आहे. या डेटाचा वापर करचोरी, मनी लाँड्रिंग आणि टेरर फंडिंग यांसारख्या गैरकृत्यांचा तपास करण्यासाठी केला जाईल. ही देवाणघेवाण गेल्या महिन्यात झाली आणि पुढील माहितीचा संच स्वित्झर्लंडद्वारे सप्टेंबर 2023 मध्ये शेअर केला जाईल.

नाव-पत्त्यापासून खात्यातील शिल्लक रकमेपर्यंत

डेटा संरक्षण आणि गोपनीयतेसाठी भारतात आवश्यक असलेल्या कायदेशीर फ्रेमवर्कच्या पुनरावलोकनासह दीर्घ प्रक्रियेनंतर स्वित्झर्लंडने भारतासोबत AEOI करण्यास सहमती दर्शवली होती. देवाणघेवाण केलेल्या तपशीलांमध्ये नाव, पत्ता, राहण्याचा देश आणि कर ओळख क्रमांक तसेच खात्यातील शिल्लक आणि भांडवली उत्पन्नाशी संबंधित माहिती समाविष्ट आहे.

स्विस बँकेतील भारतीय खातेदारांची तिसरी यादी जाहीर , ९६ देशांना माहिती पुरवली

बहुतेक तपशील व्यावसायिकांशी संबंधित तज्ज्ञांच्या मते,

भारताला मिळालेला AEOI डेटा अफाट संपत्ती असलेल्या लोकांविरुद्ध एक मजबूत खटला उभारण्यासाठी खूप उपयुक्त ठरला आहे. डेटामध्ये ठेवी आणि हस्तांतरण तसेच सर्व कमाईची संपूर्ण माहिती असते. सिक्युरिटीज आणि इतर मालमत्तेतील गुंतवणुकीचा समावेश होतो.

नाव न सांगण्याच्या अटीवर अधिकाऱ्यांनी सांगितले की, बहुतांश तपशील व्यावसायिकाशी संबंधित आहेत. यामध्ये अनिवासी भारतीयांचा तपशीलही समाविष्ट आहे जे आता अनेक दक्षिण-पूर्व आशियाई देशांमध्ये तसेच यूएस, यूके आणि काही आफ्रिकन आणि दक्षिण अमेरिकन देशांमध्ये स्थायिक झाले आहेत.

पाच नवीन देशांचा समावेश

द फेडरल टॅक्स अॅडमिनिस्ट्रेशन (FTA) ने सांगितले की, या वर्षी माहितीच्या देवाणघेवाणीच्या यादीत पाच नवीन देशांचा समावेश करण्यात आला आहे. त्यापैकी अल्बानिया, ब्रुनेई दारुसलाम, नायजेरिया, पेरू आणि तुर्की आहेत. आर्थिक खात्यांची संख्या सुमारे एक लाखाने वाढली आहे.

स्विस खाते म्हणजे काय?

स्वित्झर्लंडमधील सर्व बँकांना स्विस फेडरल बँकिंग कायद्याच्या गोपनीयता कायद्याच्या कलम 47 अंतर्गत बँक खाती उघडण्याचा अधिकार आहे. स्वित्झर्लंडमध्ये कोणी गुन्हा केला नसेल तर बँक त्याबाबत कोणतीही माहिती देत नाही. मात्र, 2017 मध्ये जागतिक समुदायाच्या दबावानंतर कायदा शिथिल करण्यात आला आणि माहितीची देवाणघेवाण सुरू झाली.