दिल्लीश्वरांनी ठरवायचे आणि राज्यातील शिलेदारांनी करायचे हे कॉँग्रेसमधील दिवस आता संपले आहेत. पक्षाच्या काही नाराज आमदारांच्या तक्रारींवरून दिल्लीदरबारी पाचारण केल्यामुळे पंजाबचे मुख्यमंत्री कॅ. अमरिंदरसिंग चांगलेच चिडले आहेत. पक्षश्रेष्ठींना धक्का देण्याची तयारी त्यांनी सुरू केली आहे. आम आदमी पक्षाच्या तीन आमदारांना पक्षात घेऊन त्यांनी पुढील इरादे स्पष्ट केले आहेत. In Punjab CM Amarinder Singh ready to push Congress !, Three Aap MLA took to the party and gave a warning to the party leaders
विशेष प्रतिनिधी
दिल्ली : दिल्लीश्वरांनी ठरवायचे आणि राज्यातील शिलेदारांनी करायचे हे कॉँग्रेसमधील दिवस आता संपले आहेत. पक्षाच्या काही नाराज आमदारांच्या तक्रारींवरून दिल्ली दरबारी पाचारण केल्यामुळे पंजाबचे मुख्यमंत्री कॅ. अमरिंदरसिंग चांगलेच चिडले आहेत. पक्षश्रेष्ठींना धक्का देण्याची तयारी त्यांनी सुरू केली आहे. आम आदमी पक्षाच्या तीन आमदारांना पक्षात घेऊन त्यांनी पुढील इरादे स्पष्ट केले आहेत.
पंजाबमधील निवडणूक कॅ. अमरिंदरसिंग यांनी एकहाती जिंकली होती. राहूल, प्रियंका किंवा सोनिया गांधी यांचा कोणताही करिष्मा तेथे चालला नव्हता. आताही हिच परिस्थिती आहे. मात्र, माजी क्रिकेटपटू आणि मंत्री नवज्योतसिंग सिध्दू याच्या माध्यमातून कॅ. अमरिंदरसिंग यांचे आसन अस्थिर करण्याचा प्रयत्न सुरू आहे. यासाठी दिल्लीतूनच फूस असल्याचेही बोलले जात आहे. त्यामुळे कॅ. अमरिंदरसिंग यांनी आता पक्षश्रेष्ठींनाच धक्का देण्याची तयारी सुरू कली अहे.
राज्यात येत्या फेब्रुवारी महिन्यात विधानसभा निवडणूक होत आहे. एका बाजुला अकाली दल, भाजप, आप यांच्याशी लढताना कॉँग्रेसच्या नाराजांशीही कॅ. अमरिंदरसिंग यांना लढावे लागत आहे. पंजाब काँग्रेसमध्ये ऐक्य घडवून आणण्यासाठी अखिल भारतीय कॉँग्रेस समितीचय तीन सदस्यांच्या समितीला ते भेटले. मात्र, त्यांनी आपले इरादे स्पष्ट केले आहेत. आम आदमी पक्षाचे निलंबित झालेले तीन आमदार असे सुखपाल खैरा, परिमल सिंग आणि जगदेव सिंग कमाल यांना पक्षात आणून आपल्या विरोधकांना त्यांनी धक्का दिला आहे.
स्वत:ची ताकद वाढवून पक्षश्रेष्ठींना इशारा कॅ. अमरिंदरसिंग यांनी दिला आहे. कॉँग्रेसच्या नेतृत्वाने त्यांच्यासाठी अप्रिय निर्णय घेतल्यास वेगळा मार्ग चोखाळू शकतो, असेही त्यांनी यातून दाखवून दिले आहे. त्यामुळे एकतर कॅ. अमरिंदरसिंग यांना सर्वाधिकार द्यायचे किंवा पक्षात मोठी फूट स्वीकारण्यास तयार राहायचे या कात्रीत कॉँग्रेसचे नेतृत्व आहे.
In Punjab CM Amarinder Singh ready to push Congress !, Three Aap MLA took to the party and gave a warning to the party leaders
महत्त्वाच्या बातम्या
- केरळ सरकारचे 20 हजार कोटींचे कोविड पॅकेज, आरोग्य सेवा – लसीकरणावर लक्ष केंद्रित, कोणताही नवीन कर नाही
- मराठा आरक्षणाच्या मागणीसाठी बीडमध्ये उद्या मराठा क्रांती संघर्ष मोर्चाकडून एल्गार, विनायक मेटेंची माहिती
- निर्बंधांसह का असेना यावर्षी पायी वारी झालीच पाहिजे, भाजपची आध्यात्मिक आघाडी आक्रमक
- ठाकरे सरकारमध्ये एक मुख्यमंत्री अन् अनेक सुपर मुख्यमंत्री, अनलॉकच्या गोंधळावरून देवेंद्र फडणवीसांची टीका
- रामदेव बाबा यांचे अ‍ॅलोपॅथीबाबतचे वक्तव्य अभिव्यक्ती स्वातंत्र्याचा भाग ; दिल्ली उच्च न्यायालय