बनावट आंतरराष्ट्रीय कॉल सेंटरने ७०० अमेरिकन नागरिकांची केली फसवणूक आठ जणांना अटक


विशेष प्रतिनिधी

नवी दिल्ली : दिल्ली पोलिसांनी सोमवारी एक मोठ यश मिळवत जामिया नगर भागात कार्यरत असलेल्या आंतरराष्ट्रीय बनावट कॉल सेंटरचा पर्दाफाश केला. या कॉल सेंटरमधून पोलिसांनी आठ जणांना अटक केली आहे.Fake international call center defrauds 700 Americans Eight arrested

पोलिसांनी सांगितले की, आतापर्यंतच्या तपासात अटक केलेल्या लोकांकडून जप्त केलेल्या संगणकांवरून 35 लाखांचे व्यवहार उघडकीस आले आहेत. तपास सुरू असून, अधिक माहिती मिळताच अधिक माहिती देऊ, असे पोलिसांचे म्हणणे आहे. या कॉल सेंटरमधून आतापर्यंत ७०० अमेरिकन नागरिकांची फसवणूक झाल्याची माहिती आहे.



नुकतेच गुरुग्राममध्येही एका बनावट कॉल सेंटरचा पर्दाफाश झाला होता.मुख्यमंत्र्यांच्या फ्लाइंग स्क्वॉडने पोलिसांसह डीएलएफ फेज-२ , गुरुग्राममधील एका भाड्याच्या घरात तळमजल्यावर सुरू असलेल्या बनावट कॉल सेंटरचा पर्दाफाश केला. घटनास्थळावरून ऑपरेटरसह १४ तरुण आणि १० मुलींना अटक करण्यात आली.

कॉल सेंटरमधून रिकव्हरी आणि सिस्टीम सपोर्ट देण्याच्या नावाखाली अमेरिका आणि कॅनडातील लोकांची फसवणूक केली जात होती. ४ आरोपींकडून अडीच लाख रुपये, संगणक, मोबाईल आदी साहित्य जप्त करण्यात आले आहे.

एसीपी क्राईम प्रीतपाल सांगवान यांनी सांगितले की, २५ मार्चच्या रात्री मुख्यमंत्र्यांच्या फ्लाइंग स्क्वॉडच्या टीमला माहिती मिळाली होती की उमेश यादव उर्फ ओम्मी, माणिक आणि एस्ले हे प्लॉट क्रमांक मधील तळमजल्यावर आहेत. केंद्र संगणकावरून व्हॉईस मेल आणि पॉपअप पाठवून सिस्टीम सपोर्ट देण्याच्या नावाखाली हे लोक फसवणूक करतात. यासोबत कॅनडा आणि अमेरिकेतील सरकारी एजन्सीचे अधिकारी असल्याचे भासवून धमकावून वसुली करतात.

डीएसपी मुख्यमंत्री फ्लाइंग स्क्वॉड इंद्रजीत, एसीपी डीएलएफ संजीव बल्हारा यांच्यासह पोलिसांच्या पथकाने छापा टाकला. घटनास्थळी उपस्थित असलेले कॉल सेंटर ऑपरेटर गुरुग्राम येथील सेक्टर-७ येथील रहिवासी उमेश यादव यांना परवाना, कंपनी नोंदणी व इतर कागदपत्रे मागितली, मात्र तो काहीही दाखवू शकला नाही. पोलिसांनी ऑपरेटरसह १४ तरुण आणि १० मुलींना अटक केली. या सर्वांविरुद्ध डीएलएफ फेज-२ पोलिस ठाण्यात बनावट कॉल सेंटर चालवून विदेशी नागरिकांकडून फसवणूक, पैसे उकळल्याप्रकरणी गुन्हा दाखल करण्यात आला आहे.

Fake international call center defrauds 700 Americans Eight arrested

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    वेदांत – फॉक्सकॉन सेमी कंडक्टर प्रकल्पाचे सर्वेसर्वा अनिल अग्रवाल यांचे महत्वाचे मुद्दे वनडे फॉरमॅटमधून ऑस्ट्रेलियन क्रिकेटर ॲरॉन फिंचची निवृत्ती भारत बनला 5वी सर्वात मोठी अर्थव्यवस्था