Assam Mizoram Border Dispute Mizoram Police registers FIR against Assam CM asks to appear in police station on August 1

Assam-Mizoram Border Dispute : मिझोराम पोलिसांनी आसामच्या मुख्यमंत्र्यांविरोधात दाखल केला एफआयआर, १ ऑगस्टला ठाण्यात हजर राहण्यास सांगितले

Assam-Mizoram Border Dispute : कोलासिब जिल्ह्यातील वैरेंगते शहराच्या बाहेर उडालेल्या हिंसाचारासंदर्भात मिझोराम पोलिसांनी आसामचे मुख्यमंत्री हिमंता बिस्वा सरमा, चार वरिष्ठ पोलीस अधिकारी आणि इतर दोन अधिकाऱ्यांविरुद्ध गुन्हे दाखल केले आहेत. मिझोराम पोलिसांनी शुक्रवारी ही माहिती दिली. Assam Mizoram Border Dispute Mizoram Police registers FIR against Assam CM asks to appear in police station on August 1


विशेष प्रतिनिधी

नवी दिल्ली : कोलासिब जिल्ह्यातील वैरेंगते शहराच्या बाहेर उडालेल्या हिंसाचारासंदर्भात मिझोराम पोलिसांनी आसामचे मुख्यमंत्री हिमंता बिस्वा सरमा, चार वरिष्ठ पोलीस अधिकारी आणि इतर दोन अधिकाऱ्यांविरुद्ध गुन्हे दाखल केले आहेत. मिझोराम पोलिसांनी शुक्रवारी ही माहिती दिली.

मिझोरामचे पोलीस महानिरीक्षक (मुख्यालय) जॉन एन यांनी सांगितले की, या सर्वांविरोधात खुनाचा प्रयत्न आणि गुन्हेगारी कट रचल्याच्या कलमांखाली गुन्हा दाखल करण्यात आला आहे. ते म्हणाले की, सीमेजवळील शहरात मिझोराम आणि आसाम पोलीस दलांमध्ये झालेल्या हिंसक चकमकीनंतर राज्य पोलिसांनी सोमवारी रात्री उशिरा वैरेंगते पोलीस स्टेशनमध्ये एफआयआर नोंदवला. आसाम पोलिसांच्या 200 अज्ञात जवानांविरोधातही गुन्हे दाखल करण्यात आले आहेत.

सीएम हिमंता यांना 1 ऑगस्टला ठाण्यात हजर राहण्यास सांगितले

मिझोरामच्या वैरंगते जिल्ह्यात प्रवेश केल्याबद्दल आणि भारतीय दंड संहितेसह कोविड -19 प्रतिबंध नियमावलीचे उल्लंघन केल्याप्रकरणी एफआयआर नोंदवण्यात आला आहे. मुख्यमंत्री हिमंत बिस्वा सरमा आणि इतरांना 1 ऑगस्ट रोजी पोलीस ठाण्यात हजर राहण्यास सांगण्यात आले आहे.

दुसरीकडे, आसामच्या वतीने आपल्या नागरिकांना शेजारच्या राज्यात प्रवास करू नये असे सांगितल्याच्या मिझोरामच्या निर्णयाचा निषेध केला आहे. आसामचे गृहसचिव एमएस मनिवन्नन यांनी जारी केलेल्या अॅडव्हायझरीत असे म्हटले आहे की, सद्य:परिस्थिती पाहता आसामच्या नागरिकांच्या जीविताला धोका होईल, असे कोणतेही पाऊल स्वीकारले जाऊ शकते. दुसरीकडे, मिझोरामचे मुख्यमंत्री जोरमथंगा यांनी ट्विट करून सर्वांना सार्वजनिक माहिती दिली आहे. ईशान्य भारत नेहमीच एक राहील. मी अजूनही आसाम-मिझोराम सीमा तणावावर केंद्र सरकारकडून सौहार्दपूर्ण समाधानाची अपेक्षा करतो, असे त्यांनी म्हटले.

Assam Mizoram Border Dispute Mizoram Police registers FIR against Assam CM asks to appear in police station on August 1

महत्त्वाच्या बातम्या