After Uttarakhand now rumors of change in Karnataka! CM Yediyurappa called to Delh

उत्तराखंडनंतर आता कर्नाटकात बदलाचे संकेत! मुख्यमंत्री येदियुरप्पा यांच्या दिल्लीवारीमुळे चर्चांना उधाण

CM Yediyurappa :  उत्तराखंडनंतर आता कर्नाटकातही बदलाचे संकेत दिले जात आहेत. येदियुरप्पा मंत्रिमंडळात फेरबदलाची चर्चा आहे. वास्तविक, कर्नाटकचे मुख्यमंत्री बीएस येदियुरप्पा यांना दिल्लीला बोलविण्यात आले आहे. येदियुरप्पा आज सायंकाळी दिल्लीला पोहोचले. यानंतर आज किंवा उद्या ते भाजप अध्यक्ष जेपी नड्डा यांची भेट घेण्याची शक्यता आहे. After Uttarakhand now rumors of change in Karnataka! CM Yediyurappa called to Delhi


विशेष प्रतिनिधी

नवी दिल्ली : उत्तराखंडनंतर आता कर्नाटकातही बदलाचे संकेत दिले जात आहेत. येदियुरप्पा मंत्रिमंडळात फेरबदलाची चर्चा आहे. वास्तविक, कर्नाटकचे मुख्यमंत्री बीएस येदियुरप्पा यांना दिल्लीला बोलविण्यात आले आहे. येदियुरप्पा आज सायंकाळी दिल्लीला पोहोचले. यानंतर आज किंवा उद्या ते भाजप अध्यक्ष जेपी नड्डा यांची भेट घेण्याची शक्यता आहे.

तथापि, कर्नाटकचे मुख्यमंत्री बीएस येदियुरप्पा म्हणाले की, त्यांच्या मंत्रिमंडळाची पुनर्रचना करण्याचा कोणताही प्रस्ताव नाही. दिल्लीत भारतीय जनता पक्षाच्या केंद्रीय नेत्यांशी झालेल्या बैठकीनंतर या संदर्भात कोणताही निर्णय घेण्यात येईल. मी पंतप्रधानांशी बोलण्यासाठी आणि राज्याच्या विकास, सिंचन प्रकल्प आणि इतर विषयांवर अनेक केंद्रीय मंत्र्यांची भेट घेण्यासाठी दिल्ली येथे जात आहे.

मंत्रिमंडळ पुनर्रचनेबाबत विचारले असता ते म्हणाले की, “माझ्यासमोर असा कोणताही प्रस्ताव नाही, चर्चेनंतर पाहूया.” मंत्रिमंडळातील संभाव्य फेरबदलाबाबत होणाऱ्या अंदाजाच्या पार्श्वभूमीवर येदियुरप्पा म्हणाले की, अशी कोणतीही चर्चा झालेली नाही. हे मुख्यमंत्र्यांच्या विवेकबुद्धीवर अवलंबून असल्याचे प्रदेश भाजपअध्यक्ष नलिनकुमार कटील यांनी बुधवारी सांगितले होते.

मुख्यमंत्र्यांनी पंतप्रधान आणि संबंधित मंत्र्यांसमवेत प्रस्तावित बैठकीत कावेरी नदीवरील मेकेदातू प्रकल्पासाठी केंद्र सरकारची मान्यता घेण्याची शक्यता आहे. तामिळनाडू हे शेजारील राज्य या प्रकल्पाला विरोध करत आहे. पंतप्रधानांना भेटण्याच्या प्रश्नाला उत्तर देताना येदियुरप्पा म्हणाले होते, “त्यांनी (पंतप्रधानांनी) भेटीसाठी वेळ देण्याबाबत विचारणा केली आहे. म्हणून सर्वांना भेटल्यानंतर मी शनिवारी परत येईन.”

After Uttarakhand now rumors of change in Karnataka! CM Yediyurappa called to Delhi

महत्त्वाच्या बातम्या