हैदराबादमध्ये अग्निकांडात ११ जण होरपळून ठार; भंगाराच्या दुकानाला शॉर्ट सर्किटमुळे भडका । 11 killed in Hyderabad firefight; Scrap shop explodes due to short circuit

हैदराबादमध्ये अग्निकांडात ११ जण होरपळून ठार; भंगाराच्या दुकानाला शॉर्ट सर्किटमुळे भडका

वृत्तसंस्था

हैदराबाद : एका भंगाराच्या दुकानाला लागलेल्या आगीत ११ जणांचा होरपळून मृत्यू झाला. शहरातील भोईगुडा भागातील गोदामात अपघात झाला. त्यावेळी १२ जण उपस्थित होते. एक पळून गेल्याने वाचला आहे. 11 killed in Hyderabad firefight; Scrap shop explodes due to short circuit

हैदराबादचे जिल्हाधिकारी एल. शर्मन यांनी दिलेल्या माहितीनुसार, बुधवारी पहाटे ४ वाजता ही घटना घडली. गांधीनगरचे एसएचओ मोहन राव यांनी सांगितले की, शॉर्टसर्किटमुळे आग लागली असावी.

भंगाराच्या गोदामात स्फोटानंतर भीषण आग चार जण जिवंत जळून खाक

घटनेच्या वेळी हे लोक गोदामात झोपले होते. भीषण आगीमुळे एक भिंत कोसळली. सध्या एक जण बचावला असून, त्याला उपचारासाठी रुग्णालयात दाखल केले आहे. अग्निशमन दलाच्या ८ गाड्या घटनास्थळी दाखल झाल्या आहेत. अधिकाऱ्याने दिलेल्या माहितीनुसार, आतापर्यंत ११ मृतदेह बाहेर काढले आहेत. आग इतकी भीषण होती की, ती आटोक्यात आणण्यासाठी वेळ लागला. या रद्दी गोदामात काम करणारे सर्व मजूर बिहारचे रहिवासी आहेत.