वृत्तसंस्था
नवी दिल्ली : पंतप्रधान नरेंद्र मोदी यांनी मंगळवारी रात्री 15व्या ब्रिक्स शिखर परिषदेअंतर्गत आयोजित बिझनेस फोरमच्या कार्यक्रमात हजेरी लावली. यावेळी पंतप्रधानांनी आपल्या भाषणात म्हटले की, भारत लवकरच 5 ट्रिलियन अर्थव्यवस्था बनेल आणि आपण जगाचे ग्रोथ इंजिन बनू.Xi Jinping Absents BRICS Business Event; Modi said – India will become the growth engine of the world, soon there will be a 5 trillion economy
यावेळी त्यांच्यासोबत ब्राझील आणि दक्षिण आफ्रिकेचे राष्ट्राध्यक्षही उपस्थित होते. विशेष म्हणजे जोहान्सबर्गमध्ये उपस्थित असलेले चीनचे राष्ट्राध्यक्ष शी जिनपिंग या कार्यक्रमाला उपस्थित नव्हते. मात्र, त्यांच्या अनुपस्थितीचे कारण स्पष्ट झालेले नाही.
3 मिनिटांच्या भाषणात मोदी म्हणाले – डिजिटल व्यवहारांच्या बाबतीत भारत अव्वल आहे. ब्रिक्स देशांना आर्थिक आघाडीवर सहकार्य करावे लागेल. भारत लवकरच 5 ट्रिलियन अर्थव्यवस्था बनेल आणि आपण जगाचे ग्रोथ इंजिन बनू. भारताने व्यवसाय सुलभ करण्याच्या क्षेत्रात प्रचंड सुधारणा केल्या आहेत. मी ब्रिक्स देशांतील गुंतवणूकदारांना भारतात गुंतवणूक करण्यासाठी आमंत्रित करतो.
उपराष्ट्रपतींनी केले स्वागत…
तत्पूर्वी मंगळवारी दुपारी मोदी जोहान्सबर्गला पोहोचले. येथे त्यांचे गार्ड ऑफ ऑनरने स्वागत करण्यात आले. दक्षिण आफ्रिकेचे उपाध्यक्ष पॉल शिपोकोसा हे त्यांचे स्वागत करण्यासाठी माशाटाइल वॉटरक्लफ एअरबेसवर पोहोचले. दक्षिण आफ्रिकेतील पारंपरिक आदिवासी नृत्याने मोदींचे स्वागत करण्यात आले. पंतप्रधानांनी विमानतळावर भारतीय वंशाच्या लोकांचीही भेट घेतली. पंतप्रधानांच्या हॉटेलमध्ये पोहोचल्यावर भारतीय वंशाच्या महिलेने त्यांना राखीही बांधली. पीएम मोदी 24 ऑगस्टपर्यंत जोहान्सबर्ग शहरात असतील. यादरम्यान ते ब्रिक्सच्या काही सदस्य देशांशी द्विपक्षीय चर्चाही करतील.
40 देश ब्रिक्स सदस्य होण्याच्या शर्यतीत
14 वर्षांपूर्वी 2009 मध्ये स्थापन झालेल्या ब्रिक्स समूहाची बैठक यावेळी अत्यंत महत्त्वाची मानली जात आहे. याचे एकमेव कारण म्हणजे या संस्थेचे सदस्य होण्याची स्पर्धा. सुमारे 40 देशांनी या संघटनेत सहभागी होण्याची इच्छा व्यक्त केली आहे.
यामध्ये सौदी अरेबिया, तुर्की, पाकिस्तान आणि इराणचा समावेश आहे. या बैठकीचा केंद्रबिंदू गटाचा विस्तार हा असेल. मात्र, पाच सदस्य देशांमध्ये या विषयावर एकमत नाही.
‘एएनआय’ या वृत्तसंस्थेच्या वृत्तानुसार, या बैठकीत 45 अतिथी देश सहभागी होऊ शकतात. शिखर परिषदेनंतर आफ्रिका आउटरीच आणि ब्रिक्स प्लस संवाद होईल. त्यात दक्षिण आफ्रिकेने आमंत्रित केलेल्या इतर देशांचा समावेश असेल. परराष्ट्र मंत्रालयाचे सचिव विनय क्वात्रा यांनी दिलेल्या माहितीनुसार, ब्रिक्स समिटमध्ये ग्लोबल इकॉनॉमिक रिकव्हरी, जिओ पॉलिटिकल चॅलेंज आणि काउंटर टेररिझम यावर चर्चा होणार आहे.*
महत्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more