पत्नींची अदलाबदली करणारे रॅकेट केरळमध्ये उघडकीस, एकीला तिघांबरोबर शरीरसंबंध ठेवण्यासाठी केले जात होते बाध्य|Wife exchange racket uncovered in Kerala, one woman forced to have sex with three

पत्नींची अदलाबदली करणारे रॅकेट केरळमध्ये उघडकीस, एकीला तिघांबरोबर शरीरसंबंध ठेवण्यासाठी केले जात होते बाध्य

विशेष प्रतिनिधी

कोट्टायम : विवाहाच्या पवित्र बंधनाला काळिमा फासणारा प्रकार केरळमधील कोट्टायमध्ये उघडकीस आला आहे. हे रॅकेट चालवणाऱ्या सात जणांना रविवारी पोलिसांनी ताब्यात घेतले. एका सदस्याच्या पत्नीच्या वतीने पोलिसांत तक्रार दाखल केल्यानंतर हे रॅकेट उघडकीस आले.Wife exchange racket uncovered in Kerala, one woman forced to have sex with three

एका महिलेने करुकचल पोलिस ठाण्यात तक्रार दाखल केली आहे की, तिच्या पतीने तिला इतर पुरुषांसोबत शारीरिक संबंध ठेवण्यास भाग पाडले. महिलेने तिच्यासोबत अनैसर्गिक सेक्स झाल्याचेही सांगितले. आरोपी पतीला अटक केल्यानंतर पोलिसांना एका मोठ्या नेटवर्कचा सुगावा लागला. सुमारे 1000 जोडपी या रॅकेटशी संबंधित असल्याचे पोलिसांनी सांगितले आहे.

कोरोनाविरोधी लस घेतलेल्या लोकांवरच केरळमध्ये मोफत उपचाराचा निर्णय

अटक करण्यात आलेले हे कोट्टायम, पठानमथिट्टा आणि अलप्पुझा जिल्ह्यातील आहेत. काराकुचल पोलिसांनी सांगितले की, हे रॅकेट फेसबुक आणि टेलिग्रामसारख्या अनेक सोशल मीडिया प्लॅटफॉर्मवरून चालवले जात होते.

या रॅकेटमध्ये अनेक उच्चभ्रू लोकांचाही समावेश आहे. रॅकेटमध्ये सामील असलेले जोडपे जेव्हाही भेटायचे तेव्हा त्यांच्या पत्नींची अदलाबदली करायचे. अनेकवेळा महिलांना एकाच वेळी तीन पुरुषांशी संबंध ठेवायला भाग पाडले जात होते.

अनेक सिंगल तरुणांकडून इतर पुरुषांचे भागीदार शेअर करण्यासाठी पैसेही दिले. सोशल मीडियाच्या माध्यमातून समविचारी लोकांची निवड करण्यात आली आणि खासगी ‘कपल स्वॅपिंग’ गटांमध्ये पत्नींची अदलाबदली करण्यात आली. या रॅकेटमधून अनेक जण फेसबुकशी जोडले गेले होते.