Chhattisgarh : छत्तीसगड-आंध्र सीमेवर चकमकीत तीन मोठे नक्षलवादी नेते ठार

By, Pravin Wankhade - June 18, 2025 09:00:30

0

४० लाखांचे बक्षीस असलेल्य गजरला आणि १ कोटींचे बक्षीस असलेल्या चलपतीची पत्नी अरुणा यांचा समावेश.

विशेष प्रतिनिधी

Chhattisgarh आंध्र प्रदेशातील अल्लुरी सीतारामराजू जिल्ह्यातील रामपाचोडावरम पोलिस स्टेशन परिसरात बुधवारी सकाळी सुरक्षा दलांनी ३ नक्षलवादी नेत्यांना ठार मारले गेले. यामध्ये गजरला रवी उर्फ उदय (सीसीएम), रवी चैतन्य उर्फ अरुणा (एसझेडसीएम) आणि अंजू (एसीएम) यांचा समावेश आहे. त्यांच्याकडून तीन एके-४७ देखील जप्त करण्यात आल्या आहेत.Chhattisgarh

असे सांगितले जात आहे की चकमक अजूनही सुरू आहे. दोन्ही बाजूंकडून अधूनमधून गोळीबार सुरू आहे. या चकमकीत ठार झालेल्या नक्षलवाद्यांची संख्या वाढू शकते असा अंदाज आहे. आंध्रच्या अल्लुरी सीताराम जिल्ह्यातील एसपी अमित बर्दार यांनी चकमकीची पुष्टी केली आहे.

प्रधानमंत्री धरती आबा योजनेतून महाराष्ट्रात आदिवासींना प्रातिनिधीक स्वरुपात वनपट्टे वाटप!!

नक्षलींचा केंद्रीय समिती सदस्य गजरलावर ४० लाखांचे बक्षीस होते. चकमकीत मारली गेलेली अरुणा ही नक्षलवादी नेता चलपतीची पत्नी आहे आणि तिच्या डोक्यावर २० लाख रुपयांचे बक्षीस होते. या वर्षाच्या सुरुवातीलाच चालपतीला आपला जीव गमवावा लागला. पत्नीसोबतचा त्याचा एका सेल्फीने सुरक्षा दलांना त्याच्यापर्यंत पोहोचवले.

गजरला रवी कोण होता?

गजरला रवी हा नक्षलवाद्यांमध्ये गणेश उर्फ आनंद उर्फ उदय उर्फ गजरला रविंदर अशा अनेक नावांनी ओळखला जात होता. गजरलाच्या वडिलांचे नाव गजरला मल्लैया होते. गजरला हा आंध्र प्रदेशातील वारंगल जिल्ह्यातील वेलीशाला गावचा रहिवासी होता. तो केंद्रीय समितीचा सदस्य होता आणि सरकारने त्याच्यावर ४० लाख रुपयांचे बक्षीस जाहीर केले होते.