INDI आघाडीत तोंड बंद ठेवून जागा वाटपाची चर्चा; पण मध्य प्रदेशात भाजपने बिनबोभाट फिरवल्या बड्या भाकऱ्या!!

By, Pravin Wankhade - December 25, 2023 07:00:36

0

विशेष प्रतिनिधी

नवी दिल्ली : INDI आघाडीचे अशोका हॉटेलमध्ये झालेली बैठक होऊन आता आठवडा उलट झाला शेवटी आम्हाला तोंडे बंद ठेवून जागा वाटपाची चर्चा करावी लागेल असा इशारा काँग्रेसचे प्रवक्ते जयराम रमेश यांना आपल्याच आघाडीतल्या नेत्यांना द्यावा लागला पण दरम्यानच्या काळात मध्यप्रदेश सारख्या मोठ्या राज्यात भाजपने बिनबोभाट बड्या भाकऱ्या फिरवून घेतल्या!!Three heavyweights are in Madhya Pradesh cabinet

INDI आघाडीतल्या दिल्लीतल्या बैठकीत 31 डिसेंबर पर्यंत सर्व राज्यांमध्ये जागावाटप पूर्ण करण्याचे ठरविण्यात आले प्रत्यक्षात 25 डिसेंबर उलटून गेला तरी अधिकृत चर्चा सुरू झालेली नाही पण आघाडीतलेच नेते अनेक तोंडाने अनेक भाता बोलू लागल्याने काँग्रेसचे मुख्य प्रवक्ते जयराम रमेश यांनी तोंडे बंद ठेवून आघाडीचे जागावाटप करावी लागेल असा इशारा दिला

INDI आघाडीतल्या नेत्यांचे फूटपाडे वर्तन; प्रत्येक मतदारसंघात 51 % मतांचे भाजपचे मिशन!!; पण याचा नेमका अर्थ काय??

पण याच कालावधीत मध्यप्रदेश सारख्या मोठ्या राज्यात भाजपने मात्र बड्या भाकऱ्या बिनबोभाटटपणे फिरवून घेतल्या. पक्षात कुठेही हू की चू झाले नाही.

#WATCH मध्य प्रदेश मंत्रिमंडल विस्तार: भाजपा नेता कैलाश विजयवर्गीय, विश्वास सारंग और अन्य पार्टी विधायकों ने भोपाल में मध्य प्रदेश कैबिनेट मंत्री के रूप में शपथ ली।

कुल 28 भाजपा नेता मंत्री पद की शपथ ले रहे हैं। प्रधुम्न सिंह तोमर, प्रह्लाद सिंह पटेल, कैलाश विजयवर्गीय और विश्वास… pic.twitter.com/3AogYZNTfr

— ANI_HindiNews (@AHindinews) December 25, 2023

मध्य प्रदेशात डॉ. मोहन यादव यांच्या मंत्रिमंडळाचा आज विस्तार झाला. यामध्ये 28 मंत्र्यांनी शपथ घेतली. त्यात भाजपचे केंद्रीय पातळीवरचे वरिष्ठ नेते कैलास विजयवर्गीय, प्रल्हाद सिंह पटेल या नेत्यांनी कॅबिनेट मंत्री पदाची शपथ घेतली. माजी केंद्रीय कृषिमंत्री नरेंद्र सिंह तोमर यांना आधीच मध्य प्रदेश विधानसभेचे अध्यक्ष केले आहे. त्यांच्या पाठोपाठ भाजपचे केंद्रीय पातळीवरचे नेते पक्षाचे सरचिटणीस कैलास विजयवर्गीय आणि माजी केंद्रीय मंत्री प्रल्हाद सिंह पटेल यांना भाजपने मध्य प्रदेशात कॅबिनेट मंत्रीपदाची शपथ घ्यायला लावली आहे.

काँग्रेसची पठडीच्या भाषेत बोलायचे झाले तर,

नरेंद्र सिंह तोमर, कैलास विजयवर्गीय आणि प्रल्हाद सिंह पटेल हे काँग्रेसच्या भाषेत भाजप मधले हेवीवेट नेते आहेत, पण या हेवीवेट नेत्यांना पक्षादेशानुसार त्यांच्या तुलनेत ज्युनिअर असलेल्या मुख्यमंत्री डॉ. मोहन यादव यांच्या मंत्रिमंडळात कॅबिनेट मंत्री म्हणून काम करावे लागणार आहे.