दिल्लीतील पुरामुळे तीन मुलांचा मृत्यू: यमुना चार दिवसांपासून धोक्याच्या चिन्हावर; पाणी सर्वोच्च न्यायालय, लाल किल्ल्यावर पोहोचले|Three children die in Delhi floods: Yamuna at danger mark for four days; The water reached the Supreme Court, Red Fort

दिल्लीतील पुरामुळे तीन मुलांचा मृत्यू: यमुना चार दिवसांपासून धोक्याच्या चिन्हावर; पाणी सर्वोच्च न्यायालय, लाल किल्ल्यावर पोहोचले

वृत्तसंस्था

नवी दिल्ली : दिल्लीतील मुकुंदपूरमध्ये तीन मुलांचा पाण्यात बुडून मृत्यू झाला. दिल्ली पोलिसांनी सांगितले की, तिन्ही मृतदेह रुग्णालयात पाठवण्यात आले आहेत. पाण्यात मुले कशी बुडाली, याचा तपास सुरू आहे.Three children die in Delhi floods: Yamuna at danger mark for four days; The water reached the Supreme Court, Red Fort

दिल्लीतील यमुना नदी चार दिवसांपासून धोक्याच्या पातळीवरून आहे. शुक्रवारी सकाळी यमुना नदीची पाणीपातळी २०८.४० मीटरवर पोहोचली आहे. हे धोक्याचे चिन्ह २०५ मीटरपेक्षा ३.४ मीटर जास्त आहे.

तब्बल 4000 महिला प्रथमच महरम शिवाय हज यात्रेला; दिल्लीतील 39 जणींचा समावेश; मोदींचे मानले आभार

दिल्लीतील सर्वोच्च न्यायालयाबाहेरील रस्त्यावर पाणी साचले आहे. पुराचे पाणी यमुना बाजार, लाल किल्ला, राज घाट आणि ISBT-काश्मीरी गेटपर्यंत पोहोचले आहे. येथे २० फुटांपर्यंत पाणी भरले होते.

परिस्थिती बिकट होत असल्याचे पाहून मुख्यमंत्री अरविंद केजरीवाल यांनी गटारी दुरुस्त करण्यासाठी लष्कराची मदत घेतली. दिल्ली सरकारमधील मंत्री सौरभ भारद्वाज यांच्या म्हणण्यानुसार, आयटीओजवळील ड्रेनेज क्रमांक 12 चे रेग्युलेटर तुटल्याने पुराचे पाणी येत आहे. मुख्यमंत्री म्हणाले – ते आज दुरुस्त केले जाईल.

दिल्लीचे नायब राज्यपाल व्हीके सक्सेना आणि मुख्यमंत्री अरविंद केजरीवाल यांनी आयटीओजवळ फुटलेल्या गटाराची पाहणी केली. एलजी म्हणाले, ही वेळ कोणावरही दोषारोप किंवा टिप्पणी करण्याची नाही. सध्या आपल्याला टीमवर्क करण्याची गरज आहे. मी अजून बरेच काही सांगू शकतो पण आता त्याची गरज नाही.

केजरीवाल शुक्रवारी संध्याकाळी म्हणाले – यमुना बॅरेजमधील 32 पैकी 5 दरवाजे बंद आहेत, त्यामुळे पाणी बाहेर येत नाही. 5 दरवाजे उघडले तर पाण्याचा प्रवाह कमी होईल. यानंतर आयटीओ बॅरेजचे पहिले जाम झालेले गेट रात्री उघडण्यात आले आहे. लवकरच पाचही दरवाजे उघडले जातील, असे केजरीवाल यांनी सांगितले.