Amritpal Case : ”आम्ही कोणालाही देशाच्या भावना दुखावू देणार नाही” अमृतपाल सिंग प्रकरणी विहिंपची भूमिका

By, Sachin Sutar - March 21, 2023 02:53:59

0

पंजाब आणि केंद्र सरकार करत असलेले काम कौतुकास्पद, असंही म्हणाले आहेत.

विशेष प्रतिनिधी

नवी दिल्ली : अमृतपाल सिंग प्रकरणाबाबत विश्व हिंदू परिषदेचे विनोद बन्सल म्हणाले की, पंजाब पोलीस, पंजाब आणि केंद्र सरकार अमृतपाल सिंगला अटक करण्यासाठी करत असलेले काम कौतुकास्पद आहे. देशद्रोही घटकांना सोडता कामा नये. भारताच्या ध्वजावर हल्ला करणाऱ्या खलिस्तान समर्थकांवर कारवाईची गरज होती. The work done by Punjab central government is commendable VHP leader Vinod Bansal

“अमृतपाल सिंग कसा निसटला? तुमचे ८० हजार पोलीस काय…” उच्च न्यायालयलाने फटकारलं!

विनोद बन्सल पुढे म्हणाले की, आयएसआय, पाकिस्तान, आंतरराष्ट्रीय दहशतवादी संघटना ज्यांना आर्थिक मदत करत आहेत, त्यांच्यावर कारवाई झालीच पाहिजे. पक्षीय राजकारणाकडे दुर्लक्ष करून या घटनेचे राजकारण करणाऱ्या नेत्यांनी याचा निषेध केला पाहिजे. आम्ही कोणालाही देशाच्या भावना दुखावण्याची परवानगी देऊ शकत नाही.

The work done by Punjab, central government is commendable: VHP leader Vinod Bansal

Read @ANI Story | https://t.co/2CcCc4X8OD #Punjabgovernment #VHP #VinodBansal pic.twitter.com/PNmVIegOsp

— ANI Digital (@ani_digital) March 21, 2023

खलिस्तानी समर्थकांनी सोमवारी (20 मार्च) सॅन फ्रान्सिस्कोमधील भारतीय वाणिज्य दूतावासाची तोडफोड केली. या संदर्भात भारताने अमेरिकेच्या एका वरिष्ठ राजनैतिक अधिकाऱ्याला दिल्लीत बोलावून त्यांच्यासमोर तीव्र निषेध नोंदवला आहे. विशेष म्हणजे अमृतपाल सिंग अद्याप फरार आहे. गेल्या चार दिवसांपासून पोलीस त्याचा शोध घेत आहेत. ज्या कारमधून तो पळून गेला ती गाडीही पोलिसांनी जप्त केली आहे. अमृतपाल सिंगचे पाकिस्तानच्या गुप्तचर संस्थेशीही संबंध असल्याची चर्चा आहे. पोलीस सूत्रांनी दिलेल्या माहितीनुसार, अमृतपालच्या आणखी दोन साथीदारांवर राष्ट्रीय सुरक्षा कायदा (NSA) दाखल करण्यात आला आहे. आता अमृतपाल, कुलवंत सिंग आणि गुर औजला यांच्या दोन साथीदारांवर NSA लादण्यात आली आहे. या दोघांना अटक करून आसाममधील दिब्रुगड येथे पाठवण्यात आले आहे.

लंडनमध्ये एका व्यक्तीला अटक

खलिस्तान समर्थकांच्या दंगलीसंदर्भात एका व्यक्तीला स्कॉटलंड यार्डने अटक केली आहे. एक दिवसानंतर यूकेमधील भारतीय उच्चायुक्तालयाभोवती सुरक्षा वाढवण्यात आली आहे. या हल्ल्यात सहभागी असलेल्यांना लवकरात लवकर अटक करून त्यांच्यावर खटला चालवावा, अशी विनंती भारताने ब्रिटनला केली आहे.