वृत्तसंस्था
तिरूअनंतपूरम – कोविडचा फैलाव आणि चक्रीवादळ यांच्या प्रकोपाशी केरळची जनता झुंजत असताना राज्यातील सत्ताधारी डाव्या आघाडीला आपल्या नव्या सरकारचा शपथविधी सोहळा साधेपणाने नव्हे, तर सार्वजनिक पातळीवर साजरा करणे अधिक महत्त्वाचे वाटत आहे. The swearing-in ceremony of the new LDF govt will take place on May 20th at 3:30 pm in central stadium
देशात सगळीकडे सामान्य नागरिकांच्या धार्मिक आणि सार्वजनिक कार्यक्रमांवर कठोर निर्बंध लावले असताना केरळमध्ये येत्या २० तारखेला पिनरई विजयन सरकारचा शपथविधी सेंट्रल स्टेडियममध्ये करण्याचा घाट घालण्यात आला आहे. यासाठी कोविड मर्यादा म्हणून “फक्त ५०० जणांनाच” शपथविधी सोहळ्याचे निमंत्रण देण्यात आल्याची मखलाशी देखील पिनरई विजयन यांनी पत्रकार परिषदेत केली आहे.
सर्वसामान्यांच्या विवाह सोहळ्यास किंवा अन्य धार्मिक, सामाजिक सोहळ्यास फक्त ५० जणांच्या उपस्थितीचे बंधन देशात घालण्यात आले आहे. याला केरळच्या डाव्या आघाडीने मात्र स्वतःपुरता अपवाद केला आहे. २० तारखेला दुपारी ३.३० वाजता राज्यपाल अरिफ महंमद खान यांच्या उपस्थितीत पिनरई विजयन सेंट्रल स्टेडियममध्ये ५०० जणांच्या उपस्थितीत मुख्यमंत्रीपदाची शपथ घेतील. त्याचवेळी काही मंत्र्यांनाही पद आणि गोपनीयतेची शपथ दिली जाईल. दस्तुरखुद्द पिनरई विजयन यांनीच पत्रकार परिषदेत ही माहिती दिली. एकीकडे केरळची जनता कोविडशी झुंजते आहे. दुसरीकडे चक्रीवादळानेही थैमान घातले आहे आणि डाव्या आघाडीचे नेते नव्या सरकारच्या सार्वजनिक शपथविधी सोहळ्याची तयारी करीत आहेत.
The swearing-in ceremony of the new LDF govt will take place on May 20th at 3:30 pm in central stadium
महत्त्वाच्या बातम्या
- मोठी बातमी : चक्रीवादळ तौकतेच्या मार्गात ओएनजीसीची बोट अडकली, 273 जणांच्या बचावासाठी भारतीय नौसेनेची दोन जहाजे रवाना
- मेक्सिकोच्या आंद्रिया मेझाने जिंकला Miss Universe 2021चा किताब, मिस इंडिया एडलिना कॅसलिनो टॉप फाइव्हमध्ये
- मध्य प्रदेशात लॉकडाऊनचे नियम मोडल्यास ‘राम नाम’ लिहिण्याची अनोखी शिक्षा
- औरंगाबाद शासकीय वैद्यकीय महाविद्यालयाचा कोरोनावर प्रमाणपत्र अभ्यासक्रमाचा प्रस्ताव, डॉक्टरांच्या मदतीसाठी तयार होईल मनुष्यबळ
- DRDOने तयार केलेले अँटी कोरोना औषध 2DG लॉन्च; रिकव्हरी होणार फास्ट, ऑक्सिजनची गरजही कमी