World War III : तिसऱ्या महायुद्धाच्या धोक्याची घंटा वाजली! आता चीन अन् रशिया कोणते मोठे पाऊल उचलणार?

By, Pravin Wankhade - June 22, 2025 09:30:16

0

अमेरिकेने इराणवर हल्ला केल्यानंतर आता जागतिक पातळीवर परिस्थिती आणखीच चिघळणार असल्याचे दिसत आहे

विशेष प्रतिनिधी

नवी दिल्ली – World War III चीन आणि रशियाच्या इशाऱ्यांकडे दुर्लक्ष करून अमेरिकेने थेट इराण-इस्रायल युद्धात उडी घेतली आहे. रविवारी पहाटे ४.३० वाजता अमेरिकेच्या हवाई दलाच्या बी२ बॉम्बर्सनी इराणच्या अणुऊर्जा प्रकल्पांवर हल्ला केला. यामध्ये, जमिनीखाली ८०-९० मीटर अंतरावर बांधलेल्या फोर्डो अणुऊर्जा प्रकल्पावर १४ हजार टन वजनाचे महाकाय बॉम्ब डागण्यात आले. तर नातानझ आणि इस्फहान अणुऊर्जा प्रकल्पांवर टॉम हॉक क्षेपणास्त्रांनी हल्ला करण्यात आला.World War III

विश्लेषकांचे म्हणणे आहे की इराणवरील अमेरिकेचा हल्ला हा रशियाचे अध्यक्ष व्लादिमीर पुतिन आणि चीनचे अध्यक्ष शी जिनपिंग यांना थेट आव्हान आहे. दोन्ही नेत्यांनी असा इशारा दिला होता की असे कोणतेही पाऊल त्यांना युद्धात जाण्यास भाग पाडेल. अलिकडच्या काळात काही चिनी मालवाहू विमाने तेहरानमध्ये उतरल्याच्या बातम्याही आहेत.

Fadnavis : बोल बच्चन भैरवींना मी उत्तर देत नाही; फडणवीस यांचा ठाकरेंच्या टीकेवर पलटवार

इस्रायल-इराण संघर्षादरम्यान अमेरिकेच्या संभाव्य हल्ल्याबद्दल, त्यामुळे तिसऱ्या महायुद्धाचा धोका निर्माण होतो का, असे विचारले असता त्यांनी स्पष्टपणे सांगितले की हा विनोद नाही. ही एक धोकादायक परिस्थिती आहे. जगभरात संघर्षाची परिस्थिती आहे आणि त्याचा थेट परिणाम सर्वांना होईल.

चीनने अमेरिकेच्या हल्ल्यांचा निषेध केला आहे आणि म्हटले आहे की अमेरिकेने भूतकाळातील धोरणात्मक चूक पुन्हा केली आहे. त्याचे विनाशकारी परिणाम होतील. इराण-इस्रायल युद्धातील हे एक धोकादायक वळण आहे. इतिहास साक्षीदार आहे की मध्य पूर्वेतील लष्करी हस्तक्षेपामुळे धोकादायक परिणाम झाले आहेत. २००३ चे इराक युद्ध हे त्याचे उदाहरण आहे.

इराणने चीन आणि रशियाच्या मदतीने नातानझ ते इस्फहानपर्यंत आपले अणुभट्टे बांधले होते. चीनच्या मदतीने इस्फहानमध्ये १९८४ मध्ये इस्फहानमध्ये अणुऊर्जेचे सर्वात मोठे संशोधन केंद्र बांधले. येथील विविध प्रयोगशाळांमध्ये सुमारे ३ हजार शास्त्रज्ञांनी काम केले. ते इराणच्या अणुकार्यक्रमाचे केंद्र मानले जाते. अशा परिस्थितीत चीन प्रत्युत्तरात्मक पावले उचलू शकतो.

रशियाच्या परराष्ट्रमंत्र्यांनी शनिवारी एका निवेदनात म्हटले होते की जर अमेरिका इराणवर हल्ला करेल तर इतर मोठ्या देशांचा त्यात थेट सहभाग होण्याचा धोका वाढेल. जर इराण कमकुवत झाला किंवा सत्तापालट झाले तर रशिया मध्य पूर्वेतील आणखी एक मित्र गमावेल. त्याने आधीच सीरिया, लेबनॉन, इराकसारखे देश गमावले आहेत.