Ahmedabad : अहमदाबाद विमान दुर्घटना- जीव वाचवण्यासाठी जळत्या वसतिगृहातून विद्यार्थी मारत होते उड्या

By, Pravin Wankhade - June 17, 2025 09:00:22

0

अहमदाबाद विमान अपघातानंतर नवीन भयानक फोटो आले समोर

विशेष प्रतिनिधी

अहमदाबाद: Ahmedabad अहमदाबाद एअर इंडिया विमान अपघाताशी संबंधित एक नवीन व्हिडिओ समोर आला आहे. ज्यामध्ये बीजे मेडिकल कॉलेजच्या वसतिगृहातील विद्यार्थी आगीपासून आपला जीव वाचवण्यासाठी गॅलरीतून उड्या मारताना दिसत आहेत.Ahmedabad

हे विमान टेकऑफ केल्यानंतर काही वेळातच रुग्णालयाच्या वसतिगृहाशी धडकले, ज्यामुळे भीषण आग लागली होती. त्याच वेळी वसतिगृहात अनेक विद्यार्थी उपस्थित होते. आग पाहून या विद्यार्थ्यांनी आपला जीव वाचवण्यासाठी बाल्कनीतून उड्या मारण्यास सुरुवात केली. यासंबंधीचा व्हिडिओ आता सोशल मीडियावर व्हायरल होत आहे.

प्रधानमंत्री धरती आबा योजनेतून महाराष्ट्रात आदिवासींना प्रातिनिधीक स्वरुपात वनपट्टे वाटप!!

या विमानातील २४२ पैकी २४१ जणांचा मृत्यू झाला. या भयानक विमान अपघातातून फक्त एक प्रवासी विश्वास कुमार रमेश वाचला. सोमवारी या अपघाताचा आणखी एक धक्कादायक व्हिडिओ समोर आला. ज्यामध्ये विमान जळत होते आणि धुराचे मोठे लोट उठताना दिसत होते. यादरम्यान विश्वासकुमार रमेश धुरातून बाहेर पडताना दिसला.

विश्वासकुमारला पाहून तिथे उपस्थित असलेले लोक आश्चर्यचकित झाले आणि कोणालाही त्यांच्या डोळ्यांवर विश्वास बसत नव्हता. इतक्या भयानक अपघातातून कोणी कसे वाचू शकेल असा प्रश्न सर्वांना पडला. समोरच्या भीषण आगीतून कोणी कसे वाचू शकेल? अपघातानंतर, विश्वासकुमारला तातडीने उपचारासाठी रुग्णालयात नेण्यात आले.