आदिकैलासहून परतणारी कार दरीत कोसळून सहा भाविकांचा मृत्यू

By, Sachin Sutar - October 26, 2023 08:00:30

0

उत्तराखंडचे मुख्यमंत्री पुष्कर सिंह धामी यांनी शोक व्यक्त केला.

विशेष प्रतिनिधी

लखनपूर : उत्तराखंडमधील पिथौरागढ जिल्ह्यात झालेल्या अपघातात सहा जणांचा मृत्यू झाला. हे सर्व लोक आदि कैलास दर्शन करून परतत असताना वाटेत त्यांची कार दरीत कोसळून नदीत पडली. या भीषण अपघातमध्ये सहा जणांचा मृत्यू झाला. धारचुला-लिपुलेख मार्गावरील लखनपूरजवळील काली नदीत मंगळवारी हा अपघात झाला. Six devotees died when their car falling into a valley while returning from Adikailas

ज्या ठिकाणी हा अपघात झाला त्या ठिकाणी मोबाईल नेटवर्क नसल्याचे पोलीस अधिकाऱ्यांनी सांगितले. बचावकार्यासाठी एसडीआरएफचे पथक घटनास्थळी पोहोचले असता रात्र आणि पावसामुळे तपास होऊ शकला नाही. त्यानंतर बुधवारी शोधमोहीम सुरू करण्यात आली. मिळालेल्या माहितीनुसार, कारमध्ये प्रवास करणारे भाविक बंगळुरूचे रहिवासी होते. आयटीबीपीकडून पोलिसांना मिळालेल्या यादीच्या आधारे ही बाब समोर आली आहे.

या अपघातावर शोक व्यक्त करताना उत्तराखंडचे मुख्यमंत्री पुष्कर सिंह धामी म्हणाले की, ‘धारचुला-लिपुलेख मार्गावर लखनपूरजवळ झालेल्या रस्ता अपघातात नागरिकांचा मृत्यू झाल्याची अत्यंत दुःखद बातमी मिळाली. मृतांच्या आत्म्यांना शांती मिळावी आणि शोकाकुल कुटुंबीयांना हे अपार दुःख सहन करण्याची ईश्वर शक्ती देवो हीच प्रार्थना.”