मी बैठकीचा निकाल पाहिलेला नाही. व्हाईट हाऊसच्या मते, मात्र… असंही थरूर म्हणाले आहेत.
विशेष प्रतिनिधी
नवी दिल्ली: Shashi Tharoor काँग्रेस खासदार शशी थरूर यांनी गुरुवारी व्हाईट हाऊसमध्ये पाकिस्तानचे लष्करप्रमुख असीम मुनीर यांच्या अमेरिकेचे राष्ट्राध्यक्ष डोनाल्ड ट्रम्प यांच्यासोबतच्या ‘डिनर’वर निशाणा साधला. ट्रम्प यांच्यासोबत जेवताना मुनीर यांना “फूड फॉर थॉट” मिळाले असले, अशी आशा थरूर यांनी व्यक्त केली आहे.Shashi Tharoor
शशी थरूर म्हणाले की व्हाईट हाऊसच्या मते, असीम मुनीर यांनी एकदा ट्रम्प यांना नोबेल शांतता पुरस्कार दिला पाहिजे असे म्हटले होते. तर थरूर यांनी हे अधोरेखित करत त्यानंतर लगेचच त्यांना व्हाईट हाऊसमध्ये जेवण देण्यात आल्याचे सांगितले.
ट्रम्प-मुनीर भेटीवर प्रतिक्रिया देताना शशी थरूर म्हणाले, “मी बैठकीचा निकाल पाहिलेला नाही. व्हाईट हाऊसच्या मते, या जनरलने राष्ट्राध्यक्षांना नोबेल शांतता पुरस्कार मिळाला पाहिजे असे म्हटले होते आणि नंतर त्यांना जेवण देण्यात आले. मला आशा आहे की जेवण चांगले असेल आणि या प्रक्रियेत त्यांना ‘फूड फॉर थॉट’ मिळाले.”
थरूर यांनी अशीही आशा व्यक्त केली की अमेरिका पाकिस्तानला त्यांच्या भूमीवर दहशतवाद वाढण्यापासून रोखण्याचे महत्त्व आठवून देईल आणि अमेरिकेने ११ सप्टेंबर २००१ रोजी झालेल्या वर्ल्ड ट्रेड सेंटर हल्ल्यांना विसरू नये. ते पुढे म्हणाले, “आमची आशा आहे की अमेरिकन सरकारमधील कोणीही ओसामा बिन लादेन प्रकरण विसरले नसेल.”
भारत आणि पाकिस्तानमधील चार दिवसांच्या लष्करी संघर्षानंतर काही आठवड्यांनी ट्रम्प यांनी बुधवारी मुनीर यांना व्हाईट हाऊसमध्ये जेवणासाठी आमंत्रित केले होते. व्हाईट हाऊसच्या अधिकृत प्रसिद्धीपत्रकानुसार, ट्रम्प यांनी मुनीर यांचे व्हाईट हाऊसच्या कॅबिनेट रूममध्ये आतिथ्य केले.
Shashi Tharoor takes a dig at Asim Munir and Trump over their lunch
महत्वाच्या बातम्या
- एकीकडे इराण-इस्रायल युद्ध, दुसरीकडे झेलेन्स्कीने घेतला मोठा निर्णय
- पाकिस्तान विरुद्ध Operation Sindoor, इराण मधून भारतीयांच्या सुटकेसाठी Operation Sindhu सुरू!!
- Chhattisgarh : छत्तीसगड-आंध्र सीमेवर चकमकीत तीन मोठे नक्षलवादी नेते ठार
- ED raids : दिल्लीत EDची ३७ ठिकाणी छापेमारी; जाणून घ्या, काय आहे प्रकरण?