सावरकरांचा धडा अभ्यासक्रमातून काढून टाकण्याबाबत प्रतिक्रिया, नातू रणजित सावरकर म्हणाले-जेवढी ताकद लावाल तेवढा विरोध होईल|Savarkar's reaction to the removal of the lesson from the curriculum, grandson Ranjit Savarkar said - the more force you apply, the more opposition there will be.

सावरकरांचा धडा अभ्यासक्रमातून काढून टाकण्याबाबत प्रतिक्रिया, नातू रणजित सावरकर म्हणाले-जेवढी ताकद लावाल तेवढा विरोध होईल

वृत्तसंस्था

बंगळुरू : कर्नाटकातील काँग्रेस सरकारने शालेय अभ्यासक्रमातून सावरकरांवरील धडा काढून टाकण्याचा निर्णय घेतला आहे. यावर सावरकरांचे नातू रणजित सावरकर यांनी प्रसिद्ध शास्त्रज्ञ न्यूटनच्या नियमाचा उल्लेख केला आहे.Savarkar’s reaction to the removal of the lesson from the curriculum, grandson Ranjit Savarkar said – the more force you apply, the more opposition there will be.

रणजित सावरकर शनिवारी म्हणाले- न्यूटनच्या नियमानुसार प्रत्येक क्रियेची समान आणि विरुद्ध प्रतिक्रिया असते. कर्नाटक सरकारच्या निर्णयावर समान आणि विरुद्ध प्रतिक्रिया उमटतील.

ज्या अंदमानात जन्मठेपेची शिक्षा भोगली तिथल्या पोर्ट ब्लेअर विमानतळावर सावरकरांचा 18 फुटी पुतळा; मोदी करणार अनावरण

ते म्हणाले- शालेय पुस्तकांतून धडा काढून विद्यार्थ्यांना सावरकरांबद्दल वाचण्यापासून रोखतील, असे काँग्रेसला वाटते. विद्यार्थी खूप हुशार आहेत. आपण अधिक दाबल्यास, पलटवारही अधिक होईल. ही एक नैसर्गिक प्रतिक्रिया आहे.

रणजित सावरकर यांनी वृत्तसंस्थेशी संवाद साधताना सांगितले की, सोशल मीडियावर सावरकरांशी संबंधित भरपूर साहित्य आहे. सावरकर स्मारकाने त्यांचे साहित्य संकेतस्थळावर प्रकाशित केले आहे. आम्ही ते कन्नडमध्येही प्रकाशित करत आहोत. पुस्तकातून एक प्रकरण वगळून काही फरक पडणार नाही.

आरएसएस संस्थापक हेडगेवार यांच्याशी संबंधित प्रकरणही काढून टाकले

कर्नाटकातील काँग्रेस सरकारने इयत्ता 6 वी ते 10 वीच्या कन्नड आणि सामाजिक शास्त्राच्या पाठ्यपुस्तकांमध्ये काही बदल करण्यास मान्यता दिली आहे. या बदलांतर्गत आरएसएसचे संस्थापक हेडगेवार आणि सावरकर यांच्याशी संबंधित प्रकरणे पुस्तकांमधून काढून टाकली जातील. काँग्रेस सरकारनेही त्याची प्रक्रिया सुरू केली आहे. दुसरीकडे भाजपने या बदलांना प्रखर विरोध केला आहे.

शिक्षणमंत्री म्हणाले- मुलांचे भविष्य लक्षात घेऊन बदल केले

कर्नाटकचे शिक्षणमंत्री मधु बंगारप्पा यांनी 9 जून रोजी सांगितले होते की, शालेय पुस्तकांचा अभ्यासक्रम या वर्षापासूनच बदलला जाईल. मुलांच्या भविष्याचा विचार करून बदल केले जात आहेत. काँग्रेसने निवडणूक जाहीरनाम्यातही याचा उल्लेख केला होता. मधू बंगारप्पा हे जाहीरनामा समितीचे उपाध्यक्ष होते.