राहत फतेह अली खान यांनी कर्मचाऱ्याला चप्पल,बुटाने केली मारहाण

By, Pravin Wankhade - January 28, 2024 12:00:09

0

Rahat Fateh Ali Khan beat the employee with slippers and shoes

व्हिडिओ व्हायरल होताच दिले स्पष्टीकरण

विशेष प्रतिनिधी

नवी दिल्ली : सध्या पाकिस्तानचे प्रसिद्ध गायक राहत फतेह अली खान यांचा एक व्हिडिओ सोशल मीडियावर व्हायरल होत आहे, ज्यामध्ये ते घरातील नोकरांना बुट आणि चप्पलेने मारताना दिसत आहेत. दारूची बाटली न मिळाल्याने राहत फतेह अली खान याने आपल्या एका नोकराला बेदम मारहाण केली, जी जवळच उभ्या असलेल्या एका व्यक्तीने कॅमेऱ्यात कैद केली आहे. Rahat Fateh Ali Khan beat the employee with slippers and shoes

हा व्हिडिओ व्हायरल झाल्यानंतर राहत फतेह अली खानवर इंटरनेटवर बरीच टीका झाली होती, त्यानंतर आता त्यांनी आणखी एक व्हिडिओ जारी करून स्पष्टीकरण दिले आहे. नवीन व्हिडिओमध्ये राहत यांचा मदतनीस आणि त्याचे वडील आरामात दिसत आहेत. आपल्या चुकीवर स्पष्टीकरण देताना राहत म्हणतात की व्हिडिओमध्ये जे दिसत आहे ते गुरु आणि शिष्य यांच्यातील नाते आहे.

एकीकडे राहत फतेह अली खान आपल्या गायनाने आणि कव्वालीने लोकांना वेड लावतात, तर दुसरीकडे घरात काम करणाऱ्या मदतनीसांशी त्याचे असे क्रूर वागणे सर्वांनाच धक्कादायक आहे. बॉलिवूडमध्ये अनेक सुपरहिट गाणी गाणाऱ्या राहत यांचा व्हिडिओ पाहून भारतीय चाहत्यांचीही निराशा झाली आहे.

व्हिडिओमध्ये, आपल्या मधुर आवाजासाठी प्रसिद्ध असलेला गायक, कर्मचाऱ्याला मारहाण करताना, बूट मारताना आणि चापट मारताना दिसत आहे. ऑनलाइन व्हायरल होणाऱ्या ग्राफिक व्हिडिओंमध्ये राहत फतेह अली खान कर्मचाऱ्याला वारंवार थप्पड मारताना आणि लाथ मारताना दिसत आहेत, अगदी चपला वापरून त्याला मारताना दिसत आहेत, असे वृत्त साम टीव्हीने दिले आहे.