राजकीय चर्चा नोटांभोवती, पण ATM मधून खेळण्यातील नोट!!

By, Pravin Wankhade - October 27, 2022 02:29:05

0

प्रतिनिधी

नवी दिल्ली : दिल्लीचे मुख्यमंत्री अरविंद केजरीवाल यांनी नोटांवर महात्मा गांधी यांच्याबरोबर लक्ष्मी आणि गणेशाची गणेशाच्या प्रतिमा छापाव्यात, अशी मागणी केल्याबरोबर देशभरातली सगळी राजकीय चर्चा नोटांभोवती फिरायला लागली. प्रत्येक राजकीय पक्षाच्या नेत्यांना अरविंद केजरीवाल्यांच्या मागणीवर काही ना काही मत व्यक्त करणे भागच पडले. त्यातून कोणाची सुटकाच होऊ शकली नाही. Political discussions around the notes, however
A toy note from an ATM

पण एकीकडे राजकीय चर्चा अशी नोटांभोवती फिरायला लागली असताना दुसरीकडे उत्तर प्रदेशातील अमेठी शहरातील इंडिया वन एटीएममधून सोमवारी संध्याकाळी 200 रुपयांची खेळण्यातील बनावट नोट बाहेर आल्याचा धक्कादायक प्रकार घडल्यावर खळबळ उडाली. या नोटेवर Full Of Fun असे लिहिलेले आहे. हा व्हिडिओ सध्या सोशल मीडियावर व्हायरल होत आहे.

ATM ने निकला 'चूरन वाला नोट', दो-दो सौ रुपए के नकली नोट निकले

यूपी के अमेठी जिला में कई ग्राहकों को नकली नोट मिलने से हड़कंप pic.twitter.com/iMwZsZ5JdG

— आदित्य तिवारी / Aditya Tiwari (@aditytiwarilive) October 25, 2022

हा प्रकार अमेठी शहरातील इंडिया वन एटीएममधला आहे. जिथे सोमवारी संध्याकाळी एटीएममधून पैसे काढण्यासाठी लोकांची रांग लागली होती. यावेळी एका व्यक्तीला एटीएममधून मूळ नोटेसह 200 रुपयांची बनावट नोट मिळाल्याचा धक्कादायक प्रकार समोर आला. काही वेळातच तिथे गर्दी जमली. लोकांनी याची माहिती अमेठी पोलिसांना दिली. या घटनेचा व्हिडिओ एका सोशल मीडिया वापरकर्त्याने शेअर केला आहे. सध्या हा व्हिडीओ खूप व्हायरल होत आहे.

एकूण काय… दिवाळी सणाच्या पार्श्वभूमीवर नोटांची चर्चा जोरात आहे मग त्यावर फोटो कोणाचे हवेत यावरची चर्चा असो अथवा खेळण्यातल्या नोटांची चर्चा असो… नोट सध्या जोरात आहे!!