PM Modi : ‘जम्मू-काश्मीरमध्ये पाकिस्तानचा अजेंडा लागू होऊ देणार नाही’

By, Pravin Pawar - September 19, 2024 07:14:08

0

पंतप्रधान मोदींनी काँग्रेस अन् नॅशनल कॉन्फरन्सवर केली टीका

विशेष प्रतिनिधी

जम्मू-काश्मीर : येथील कटरा येथे निवडणूक रॅलीला संबोधित करताना पंतप्रधान मोदींनी (PM Modi ) काँग्रेस, नॅशनल कॉन्फरन्स आणि पीडीपीवर जोरदार निशाणा साधला. पाकिस्तानचे संरक्षण मंत्री ख्वाजा आसिफ यांनी कलम 370 वर दिलेल्या वक्तव्यावरही मोदींनी प्रतिक्रिया दिली आहे.

मोदी म्हणाले, “काँग्रेस-नॅशनल कॉन्फरन्सबद्दल जम्मू-काश्मीरमध्ये उत्साह नसावा, पण शेजारी देश (पाकिस्तान) याबद्दल खूप उत्साही आहे. पाकिस्तानमध्ये काँग्रेस-नॅशनल कॉन्फरन्स युतीबाबत वावा होत आहे. त्यांच्या जाहीरनाम्याने पाकिस्तान खूप प्रभावित आहे.”

Balasaheb Thorat : वर्षा गायकवाडांना चालतील सुप्रिया सुळे किंवा रश्मी ठाकरे मुख्यमंत्री; पण बाळासाहेब थोरातांनी ठणकावले, काँग्रेसचाच होईल मुख्यमंत्री!!

मोदी म्हणाले, “पाकिस्तानच्या संरक्षणमंत्र्यांनी काँग्रेस-नॅशनल कॉन्फरन्सला उघडपणे पाठिंबा दिला आहे. ते म्हणतात की कलम 370 आणि 35A बाबत काँग्रेस आणि नॅशनल कॉन्फरन्सचा अजेंडा आणि पाकिस्तानचा अजेंडा सारखाच आहे. काँग्रेस-नॅशनल कॉन्फरन्सची पाकिस्ताननेच पोलखोल केली आहे.”

यापूर्वी, पाकिस्तानचे संरक्षण मंत्री ख्वाजा आसिफ यांनी कलम 370 रद्द करण्याची वकिली करताना सांगितले होते की, जम्मू-काश्मीरमध्ये कलम 370 आणि 35A पुनर्स्थापित करण्यासाठी पाकिस्तान आणि नॅशनल कॉन्फरन्स-काँग्रेस युती एकत्र आहेत.