पेट्रोल, डिझेल दर ७६ ते ८५ पैशांनी वाढले

By, Sachin Deshmukh - April 2, 2022 09:20:30

0

प्रतिनिधी

नवी दिल्ली : एका दिवसाच्या दिलासानंतर आज पुन्हा पेट्रोल आणि डिझेलच्या दरात वाढ झाली आहे. पेट्रोलचा दर ७६ ते ८५ पैशांनी वाढला आहे, तर डिझेलचा दरही ७६ वरून ८५ पैशांनी वाढला आहे. दिल्लीत एक लिटर पेट्रोल १०२.६१ रुपये प्रति लिटर तर डिझेल ९३.८७ रुपये प्रति लीटर मिळत आहे.Petrol and diesel prices have been hiked by 76 to 85 paise

मुंबईत पेट्रोलचा दर ११७.५७ रुपये आणि डिझेलचा दर १०१.७९ रुपये प्रतिलिटर आहे. कोलकात्यात पेट्रोलची किंमत ११२.१९ रुपये आहे तर डिझेलची किंमत ९७.०२ रुपये प्रति लीटर आहे. त्याच वेळी, चेन्नईमध्येही पेट्रोल १०८.२१ रुपये प्रति लिटर आणि डिझेल ९७.२८ रुपये प्रति लिटर आहे. गेल्या वर्षी ४ नोव्हेंबरपासून या दोन्ही इंधनांच्या किमतीत कोणतीही वाढ झालेली नाही.

२२ मार्चपासून नऊ वेळा पेट्रोल, डिझेलचे भाव वाढले

पाच राज्यांतील निवडणुकांमुळे मोदी सरकारने तेल कंपन्यांना किमती वाढवण्यापासून रोखल्याचा आरोप सरकारच्या राजकीय विरोधकांनी केला. आंतरराष्ट्रीय बाजारात कच्च्या तेलाचे दर प्रति बॅरल ११२ डॉलरवर पोहोचल्यानंतर तेल कंपन्यांनी रविवारी डिझेलच्या मोठ्या खरेदीदारांसाठी प्रति लिटर २५ रुपयांनी वाढ केली. हळूहळू किरकोळ दरात वाढ केली जाईल, असे तेल विक्रेत्यांचे म्हणणे आहे.

या राज्यांमध्ये पेट्रोलची किंमत १०० रुपयांच्या पुढे आहे : मध्य प्रदेश, राजस्थान, महाराष्ट्र, आंध्र प्रदेश, तेलंगणा, कर्नाटक, ओडिशा, जम्मू-काश्मीर आणि लडाखमध्ये पेट्रोलचा दर १०० रुपयांवर आहे.