UN Security Council : पाकिस्तानला संयुक्त राष्ट्र सुरक्षा परिषदेत पुन्हा बसला झटका

By, Pravin Wankhade - June 8, 2025 08:00:53

0

दहशतवादाशी संबंधित चार समित्यांच्या अध्यक्षपदाची मागणी करत होता, पण मिळाली फक्त एकच

विशेष प्रतिनिधी

नवी दिल्ली – UN Security Council संयुक्त राष्ट्र सुरक्षा परिषदेत (UNSC) पाकिस्तानचा डाव यशस्वी होऊ शकला नाही आणि त्याला धक्का बसला आहे. संयुक्त राष्ट्र सुरक्षा परिषदेचा तात्पुरता सदस्य म्हणून दहशतवादाशी संबंधित चार समित्यांच्या नेतृत्वाची पाकिस्तानची मागणी परिषदेच्या इतर सदस्यांनी फेटाळली आहे.UN Security Council

येथील अधिकृत सूत्रांनी सांगितले की, पाकिस्तानला फक्त १९८८च्या तालिबान निर्बंध समितीच्या अध्यक्षपदाची मागणी करायची होती. पाकिस्तानने १२६७ निर्बंध समिती; १५४० (अप्रसार) निर्बंध समिती; १९८८ तालिबान समिती आणि १३७३ दहशतवाद विरोधी समितीचे (CTC) अध्यक्षपद मागितले होते. तालिबान समितीव्यतिरिक्त, त्यांना सीटीसीचे उपाध्यक्ष होण्याची परवानगी देण्यात आली आहे.

ठाकरे बंधू एकत्र; पवार काका अस्वस्थ; शिंदे + अजितदादांना भाजपची सत्ता धरावी लागणार घट्ट!!

इतर सदस्य पाकिस्तानच्या वृत्तीवर नाराज असल्याचे दिसून आले. पाकिस्तानच्या मागण्यांमुळे संयुक्त राष्ट्र सुरक्षा परिषदेत एकमत झाले नाही, ज्यामुळे संयुक्त राष्ट्रांच्या समित्यांच्या वाटपाची प्रक्रिया सुमारे पाच महिने उशीरा झाली. इतर सदस्य पाकिस्तानच्या वृत्तीवर नाराज होते

पाकिस्तानच्या मागण्यांमुळे संयुक्त राष्ट्रांच्या समित्यांच्या वाटपाची प्रक्रिया सुमारे पाच महिने उशीरा झाली आहे, असे एका अधिकाऱ्याने सांगितले. ते पुढे म्हणाले “सर्वसहमतीचा अभाव आणि पाकिस्तानच्या अवास्तव मागण्यांमुळे जून २०२५ पर्यंत एकमत होऊ शकले नाही. इतर परिषदेचे सदस्य पाकिस्तानच्या मागण्या आणि त्याच्या वृत्तीवर नाराज होते.’’

नाव न सांगण्याच्या अटीवर एका अधिकृत सूत्राने सांगितले की, संयुक्त राष्ट्रांचे स्थायी सदस्य देश अमेरिका, रशिया, चीन, फ्रान्स आणि ब्रिटन हे जाणूनबुजून या समित्यांचे अध्यक्ष होऊ इच्छित नव्हते कारण या पदांवर मर्यादित वास्तविक शक्ती आहे आणि निर्णय केवळ एकमतानेच घेतले जाऊ शकतात.