12 ते 18 वयोगटातील मुलांसाठी नवीन लस कोर्बेवैक्स; लवकरच लसीकरणाचा निर्णय । New vaccine for children ages 12 to 18 Corbevax; Decision to vaccinate soon

12 ते 18 वयोगटातील मुलांसाठी नवीन लस कोर्बेवैक्स; लवकरच लसीकरणाचा निर्णय

विशेष प्रतिनिधी

नवी दिल्ली : केंद्र सरकारला आज कोर्बेवैक्स (Corbevax) लसीची पहिली खेप मिळणार आहे. 12 ते 18 वयोगटातील मुलांसाठी ही नवीन लस उपलब्ध होत असून कोर्बेवैक्सची किंमत करांशिवाय कदाचित 145 रुपये असेल. बायोलॉजिकल ई ने मुलांसाठी ही लस तयार केली. New vaccine for children ages 12 to 18 Corbevax; Decision to vaccinate soon

केंद्रीय आरोग्य मंत्रालयाच्या मते, ही लस भारतातील पहिली Receptor-Binding Domain (RBD )प्रोटीन आधारित कोविड-19 लस आहे. सध्या, 15 ते 18 वयोगटातील मुलांना Covaxin पूरक लस दिली जात आहे. या कोरोना लसीचे 30 कोटी डोस सरकार खरेदी करणार असून खरेदी ऑर्डर ऑगस्ट मध्येच देण्यात आली. बायोलॉजिकल ई ने कॉर्बेवॅक्स या लसीचे 250 दशलक्ष डोस तयार केले आहेत.

महानगरपालिका क्षेत्रात पंधरा वर्षावरील मुलांचे लसीकरण वाढवा उपमुख्यमंत्री अजित पवार यांच्या सुचना

गेल्या वर्षी, सरकारने या लसींच्या खरेदीसाठी हैदराबादस्थित कंपनी बायोलॉजिकल ईला 1500 कोटी आगाऊ पैसे दिले होते. एक दिवस आधी, भारताच्या औषध नियंत्रकांनी (Drugs Controler General of India) 12 ते 18 वयोगटातील मुलांसाठी कॉर्बेवॅक्स लसीचा आपत्कालीन वापर करण्यास परवानगी दिली आहे. DGCI लवकरच लशीला अंतिम मंजुरी देईल. भारत बायोटेकच्या Covaxin नंतरची ही दुसरी लस आहे, जी 12- 18 वर्षाच्या मुलांना दिली जाईल.

गेल्या वर्षी डिसेंबरमध्ये, डीजीसीआयने प्रौढांसाठी कॉर्बेव्हॅक्सच्या मर्यादित आपत्कालीन वापरास परवानगी दिली होती, परंतु सध्याच्या लसीकरण मोहिमेत अद्याप ही लस समाविष्ट केलेली नाही. लसीची खेप मिळाल्यानंतर, 12 ते 18 वर्षे वयोगटातील मुलांना सरकार लसीकरण करण्याचा निर्णय घेऊ शकते.