नारायण मूर्ती आठवड्यातून 80-90 तास काम करतात; पत्नी सुधा मूर्ती म्हणाल्या- त्यांचा खऱ्या मेहनतीवर विश्वास|Narayan Murthy works 80-90 hours a week; Wife Sudha Murthy said

नारायण मूर्ती आठवड्यातून 80-90 तास काम करतात; पत्नी सुधा मूर्ती म्हणाल्या- त्यांचा खऱ्या मेहनतीवर विश्वास

वृत्तसंस्था

नवी दिल्ली : इन्फोसिस फाऊंडेशनच्या अध्यक्षा आणि लेखिका सुधा मूर्ती यांनी सांगितले की त्यांचे पती नारायण मूर्ती आठवड्यातून 80 ते 90 तास काम करतात. सुधा म्हणाल्या, यापेक्षा कमी काम केले नाही, खरी मेहनत करण्यावर त्यांचा विश्वास आहे.Narayan Murthy works 80-90 hours a week; Wife Sudha Murthy said – He believes in real hard work

नारायण मूर्तींचाा तरुणांना 70 तास काम करण्याचा सल्ला

नुकतेच नारायण मूर्ती म्हणाले होते की भारताला पुढे जायचे असेल तर तरुणांना आठवड्यातून 70 तास काम करावे लागेल. यानंतर सोशल मीडिया अनेक गटांमध्ये विभागला गेला आहे. नॅशनल सेंटर फॉर परफॉर्मिंग आर्ट्स (NCPA) ने आयोजित केलेल्या टॉक शोमध्ये सुधा मूर्ती यांनी ही माहिती दिली.

नारायण मूर्ती म्हणाले- भारतात वर्क प्रॉडक्टिव्हिटी जगात सर्वात कमी; तरुणांनी आठवड्याला 70 तास काम केले पाहिजे

सोशल मीडियावर लोकांनी विरोध केला

एडलवाईस म्युच्युअल फंडाच्या एमडी आणि सीईओ राधिका गुप्ता यांनी नारायण मूर्ती यांच्या विधानावर एक्स पोस्टमध्ये म्हटले आहे की, भारताचे वर्तमान आणि भविष्य घडवण्यासाठी अनेक भारतीय महिला घरात आणि ऑफिसमध्ये 70 तासांपेक्षा जास्त काम करतात. वर्षानुवर्षे आणि दशके कोणत्याही मागणीशिवाय, हसतमुखाने!

दुसर्‍या एका X युझरने लिहिले, नारायण मूर्ती यांच्या नुकत्याच झालेल्या विधानानंतर मला जगभरातील आयटी फ्रेशर्स आणि त्यांच्या पगाराची तुलना करायला उत्सुकता होती.मी यासाठी चॅट-जीपीटी वापरला आणि धक्कादायक निकाल मिळाले. जगातील कोणत्याही मोठ्या अर्थव्यवस्थेच्या तुलनेत भारतीय आयटी फ्रेशर्स हे सर्वात जास्त काम करणारे आणि कमी पगाराचे आहेत. प्रामाणिकपणे, ही एक दुःखद परिस्थिती आहे.