Khyber Pakhtunkhwa : पाकिस्तानच्या खैबर पख्तूनख्वामध्ये मोठा दहशतवादी हल्ला

By, Pravin Wankhade - December 21, 2024 07:00:15

0

16 पाकिस्तानी सैनिक ठार, 8 जखमी झाले आहेत.

विशेष प्रतिनिधी

खैबर पख्तूनख्वा : Khyber Pakhtunkhwa पाकिस्तानच्या खैबर पख्तुनख्वामध्ये दहशतवादी हल्ला झाल्याचे वृत्त आहे. माकिन भागातील हा हल्ला अलीकडच्या काही महिन्यांतील सर्वात मोठा हल्ला असल्याचे सांगण्यात येत आहे. ज्यामध्ये पाकिस्तानचे 16 जवान शहीद झाले आहेत. तर 8 जवान जखमी झाले आहेत. द खोरासान डायरीच्या वृत्तानुसार, एका पोलीस अधिकाऱ्याने सांगितले की, ‘शुक्रवारी रात्री उशिरा लिता सार भागातील एका सुरक्षा चौकीवर दहशतवादी हल्ला झाला.’Khyber Pakhtunkhwa

Devendra Fadnavis : बीडमधील गुन्हेगारीची पाळेमुळे खणून काढणार, दोषींवर मकोकाअंतर्गत कारवाई – मुख्यमंत्री देवेंद्र फडणवीस

हा हल्ला दक्षिण वझिरीस्तानमधील माकिनमधील लिटा सार भागात असलेल्या सुरक्षा चौकीवर झाला. सध्या सुरक्षा दलांनी संपूर्ण परिसराला वेढा घातला असून शोध मोहीम सुरू केली आहे. पाकिस्तानच्या अफगाणिस्तान सीमेवर दररोज दहशतवादी हल्ले होत असतात. जेथे दहशतवादी संघटना तहरीक-ए-तालिबान पाकिस्तानचे दहशतवादी असे हल्ले करतात.

खैबर पख्तुनख्वामधील हल्ल्याची जबाबदारी अद्याप कोणत्याही संघटनेने स्वीकारलेली नाही. हे उल्लेखनीय आहे की खैबर पख्तुनख्वा असे क्षेत्र आहे जिथे दररोज हल्ले होतात, पाकिस्तान या हल्ल्यांसाठी तहरीक-ए-तालिबान (टीटीपी) ला जबाबदार धरतो. यासोबतच त्यांनी टीटीपीवर आरोपही केला की, अफगाण तालिबान सरकार टीटीपीच्या हल्लेखोरांना अफगाणिस्तानात आश्रय देते.